«Էլ գող փիսո, էլ քաչալ շուն...»

Մինչ «Կինգ Դելյուքս» տրանսպորտային ընկերության հիմնադիր Արթուր Հարությունյանը, նույն ինքը Պալաչը ,բարձրագոչ հայտարարություններ է անում Աբովյանը` աբովյանցիներին վերադարձնելու մասին, Աբովյան հեռուստաընկերության նախկին բաժնետեր Արտաշես Մեհրաբյանը ուշագրավ հայտարարություններ է անում Պալաչի ու հատկապես Աբովյան  հեռուստաընկերության գործող տնօրեն Ազնիվ Չիզմեչյանի համատեղ ուժերով իրականացրած գործարքների մասին: 

Նախկին բաժնետերը, Կենտրոն հեռուստաընկերությամբ հատկապես բարձրաձայնել էր այն մասին, որ Պալաչը ( Արթուր Հարությունյանը) ժամանակին «կոստյում բռնող» էր աշխատում, երբ Աբովյանի քաղաքապետն էր Կարո Իսրայելյանը: Մեհրաբյանը պատմել էր նաեւ,թե 2002 թվականին Կարո Իսրայելյանը ինչպես է Պալաչին «քսի տվել»  իր վրա , երբ նա պայքարում էր ծառահատումների դեմ: Այդ ժամանակ Կ. Իսրայելյանը, լինելով Աբովյանի քաղաքապետ, փաստորեն քաղաքը բարեկարգելու և կանաչապատելու փոխարեն, ինչպես հավաստիացնում է Ա. Մեհրաբյանը, ծառահատումներ է իրականացրել: Ինքն էլ չկարողանալով հաշտվել ցավալի իրականության հետ ` այդ մասին լուսաբանել էր Աբովյան TV-ում: 

Նշենք, որ այդ ժամանակ հեռուստաընկերության 60 տոկոսի բաժնետերը եղել է հենց ինքը ` Ա. Մեհրաբյանը: Դե  իսկ Պալաչն էլ, Մեհրաբյանի  համոզմամաբ,  քաղաքապետի զինվորն էր...  
Նշենք նաև, որ Ա. Մեհրաբյանը բարձրաձայնել էր այն մասին, որ Աբովյան TV-ի գործող տնօրենը խաբել էր իրեն, չարաշահել վստահությունը, հեռուստաընկերությունը թանկ գնով  վաճառել էր  Պալաչին ու իրեն  հասանելիք  «փայաբաժինը»  չէր տվել:

Պարզելու համար, թե ինչո՞վ է ավարտվելու Պալաչ-Մեհրաբյան-Ազնիվ Չիզմեչյան տրիոյի թնջուկը,  Fnews.am-ը կապ հաստատեց նախ օրվա հերոսի`  Պալաչի (Արթուր Հարությունյանի) հետ, ով մեր հարցին, թե ինչո՞ւ է Աբովյանի ՀԸ-ի նախկին բաժնետեր այդքան վատ արտահայտվում իր հասցեին  ասում, որ իրեն գումար են պարտք և որը  մինչ այսօր չի վերադարձվել հասցեատիրոջը, պատասխանեց.  «Ես մեկնաբանում եմ միայն նորմալ մարդկանց ասածները, աննորմալների հետ գործ չունեմ: Կասեմ միայն, որ այսօր Հ3-ով երեկոյան հարցազրոյց կտամ և բոլորի համար ամեն ինչ պարզ կլինի»:

Իսկ մեզ հետաքրքրող մյուս հարցին, թե ի՞ վերջո ԵԿՄ-ն ում կսատարի Աբովյանի ընտրություններում, քաղաքապետի թեկնածուն պատասխանեց.«Թող հենց ԵԿՄ-ն էլ պատասխանի, ես ինչ իմանամ » :

Իսկ Աբովյան ՀԸ-ի շուրջ  տեղի ունեցող թեժ իրադարձությունների շուրջ, Fnews.am-ը փորձեց սպառիչ պատասխաններ ստանալ նաեւ  Աբովյան հեռուստաընկերության գործող տնօրեն Ազնիվ Չիզմեչյանից:
- Տիկին Ազնիվ, ճիշտ է՞ , որ Դուք չարաշահել եք Աբովյան հեռուստաընկերության նախկին տնօրենի վստահությունն ու 200.000 դոլլարով այն վաճառել եք  Արթուր Հարությունյանին` Պալաչին:

-Նախ ասեմ, որ հիմա այդ առիթով քրեական գործ կա հարուցված, ու ես բոլոր փաստաթղթերն ու ապացույցները, այդ գործի շրջանականերում  ներկայացրել եմ: Ես և Մեհրաբյանը սեփականատեր ենք եղել, իմն է եղել հեռուստաընկերության 40 տոկոսը, իրենը ` 60: Երբ նա վերադարձել է ՌԴ-ից, ես գնել եմ նաև 60 տոկոս բաժնետոմսերը ` դառնալով 100 տոկոսանոց սեփականատեր: Իսկ թե ինչ գնով ես կվաճառեմ, կամ ում կվաճառեմ այն, դա արդեն իմ գործն է: Ես եմ սեփականատերը. ես եմ ներդրումներ արել, հիմա էլ վաճառել եմ, բայց մնում եմ տնօրեն: Ես կասեմ միայն, որ Մեհրաբյանը քաղաքական պատվեր է կատարում:

- Ո՞ւմ պատվերն է կատարում Մեհրաբյանն ըստ Ձեզ: 

-Պարզից էլ պարզ է, որ եթե նման հայտարարությամբ հանդես է եկել Կենտրոն հեռուստաընկերությունում, ուրեմն հենց այդ TV-ի սեփականատիրոջ պատվերն էլ կատարում: Ես ունեմ բոլոր ապացույցները, իսկ Մեհրաբյանը միայն զրպարտում է ինձ,:

Տիկին Ազնիվից լսելով բավականին երկար, բայց ոչ այնքան հստակ և իրավական պատասխաններ, Fnews.am-ը կապ հաստատեց  նաեւ փաստաբան Լիանա Գրիգորյանի հետ`լսելու նաեւ վերջինիս տեսակետը.

-Արտյուշը` (Արտաշես Մեհրաբյանը), կեղծ զրպարտանքներ է ներկայացնում հեռուստաընկերության եթերից, երբ պնդում է, որ իբր տիկին Ազնիվը խաբեությամբ վերցրել է իր ձեռքից բաժնետոմսերն ու այն  վաճառել է Պալաչին: Ես հավաստիացնում եմ, որ նման բան չկա: Նախ ասեմ, որ բաժնետեր լինելու ժամանակ անգամ Արտյուշը ոչ մի ներդրում չի արել, Ազնիվ է ներդրումներ արել` վաճառելով տուն ու տեխնիկա, որ այդ հեռուստաընկերությունը դառնա կարգին TV: Նա ՌԴ-ում է եղել ու չի էլ հետաքրքրվել, թե Ազնիվն ինչ միջոցներով է աշխատացնում հեռուստաընկերությունը: Իսկ հետո լիազորագիր է ուղարկել, Ազնիվը գնել է 60 տոկոսն ու դարձել հեռուստաընկերության սեփականատեր:

- Իսկ երբ է տիկին Ազնիվը վաճառել TV-ն :

-Այն վաճառել է  2014 թվականին ` Արթուր Հարությունյանին:Առք ու  վաճառքի, ներդրումների բոլոր  փաստաթղթերը կան, նա խնամքով պահել է ամեն ինչ: Իսկ Մեհրաբյանը առերեսման ժամանակ ցուցաբերել է լկտի պահվածք. Նա բողոքում է , բայց չի էլ ճշտում թե ում դեմ է բողոքում և այլն… և այլն… Նա չունի թչ մի փաստ, որ իրեն խաբել են, պարզապես շահարկում է Ազնիվի անունը, դեմ է դուրս գալիս մի կնոջ, ով այդ հեռուստակնկերությունը ոտքի հանելու համար գրավի տակ է դրել իր տունն ու առ այսօր գրավ է մուծում:

-Ըստ Ձեզ, ո՞րն է Մեհրաբյանի ստելու տրամաբանությունը:
-Դե տրամաբանությունն այն է -, որ ինքն ունեցել է բաժնետոմսեր, այն  վաճառել է Ազնիվին, իսկ երբ իմացել է, որ Ազնիվը ինչ-որ լավ` X գնով է այն վաճառել, վհատվել է, որ ինչու հենց ինքը չվաճառեց այն: Ախր եթե խնդիր ունի Ազնիվի հետ, թող իր հետ պարզի, Պալաչին ինչո՞ւ է խառնում:

Աբովյանի հեռուստաընկեությա շուրջ ստեղծված խառը պատմությունների,  ինչպես նաեւ վերջինիս տնօրենի կողմից հնչեցված գնահատականների շուրջ, մեկնաբանություն ստանալու  համար, Fnews.am-ը կապ հաստատեց նաև Գագիկ Ծառուկյանի մամլո խոսնակ Իվետա Տոնոյանի հետ, պարզելու` Կենտրոն TV-ն քաղաքական պատվե՞ր է տվել Ա. Մեհրաբյանին, թե՞ ոչ:  

- Ինձ համար Ազնիվի այդ մեկնաբանությունն առավել քան զավեշտ է հիշեցնում ու ծիծաղ առաջացնում: Կետրոն հեռուստաընկերությունն ունի ավելի լուրջ ծրագրեր, քան նման էժանագին սկանդալներ առաջացնելը: Քաղաքական պատվեր տալու վերաբերյալ էլ կասեմ, որ նման բան չկա, պարզապես մամուլը չէր դադարում գրել այդ մասին, մեր հաղորդավարն էլ կապնվեց Մեհրաբյանի հետ, հրավիրեց հարցազրույցի ` որոշակի մեկնաբանություն ստանալու և ընթերցողին ներկայացնելու համար և դա ամենևին չի խոսում պատվերի մասին:

Հ. Գ.Պատվերի հոտ է գալիս, թե ոչ, թող պարզեն պատկան մարմինները, բայց որ մի աթոռի շալակին բարձրանալու համար, սովորոբար ընտրական կամպանիայի քարոզիչները ապավինում են  էլ գող փիսո, էլ քաչալ անզուսպ բանավեճի տարբերակին, դա արդեն իսկ խոսում է այն մասին, որ  իրականում Հայաստանում նորմալ թեկնածուների  ու կադրերի քաղց կա...

Աննա  Առաքելյան