Էներգետիկայի ոլորտում կորուստները հաստատվածից 3-4%-ով ավելի են եղել. Երվանդ Զախարյան

Panorama.am-ը գրում է.

Վերջին մեկ տարվա ընթացքում էներգետիկայի բնագավառում կատարված աշխատանքների մեծ մասն ուղղվել է «ՀՀ էներգետիկ անվտանգության ապահովման հայեցակարգը հաստատելու մասին»ՀՀ նախագահի հրամանագրի և դրանից բխող Հայաստանի էներգետիկ անվտանգության ապահովման հայեցակարգի դրույթների կատարմանը: Այս մասին այսօր լրագրողների հետ հանդիպման ժամանակ ասաց ՀՀ էներգետիկայի և բնական պաշարների նախարար Երվանդ Զախարյանը՝ ամփոփելով վերջին մեկ տարվա ընթացքում համակարգում իրականացված ծրագրերն ու կատարված աշխատանքները:

Նախարարի խոսքերով՝ վերջին տարիներին համակարգում մեծածավալ աշխատանք է իրականացվել, բացի այդ՝ միջազգային ֆինանսական կազմակերպությունների` KfW բանկի, Համաշխարհային բանկի, Ասիական զարգացման բանկի հետ շարունակվելու են էներգահամակարգի համար էական նշանակություն ունեցող ենթակառուցվածքների ու գծերի արդիականացման և նոր ենթակառուցվածքների ու գծերի կառուցման ծրագրերը:

Էներգահամակարգի կարևոր ծրագրերից Ե.Զախարյանն առանձնացրեց ատոմային էներգիայի բնագավառում իրականացված աշխատանքները: Նրա խոսքերով` ՀԱԷԿ-ի երկորորդ էներգաբլոկի շահագործման ժամկետի երկարացման նպատակով արդեն իսկ վավերացվել են Հայաստանի և Ռուսաստանի միջև ստորագրված հանաձայնագրերը, որոնց համաձայն` ՀԱԷԿ-ի շահագործման ժամկետը մինչև 2027 թ-ը երկարացնելու աշխատանքների համար ռուսական կողմը կտրամադրի 270 մլն դոլար արտոնյալ վարկ և 30 մլն դոլար դրամաշնորհ:

Ե.Զախարյանը կարևորեց նաև նոր Միջուկային էներգաբլոկի կառուցման ծրագիրը: Ըստ նրա՝ շարունակվում են բանակցությունները հնարավոր ներդրողների՝ այդ թվում նաև Չինաստանի ազգային ատոմային կորպորացիայի հետ: Նա նշեց, որ նոր Միջուկային նոր էներգաբլոկի կառուցման աշխատանքները նախատեսվում է մեկնարկել 2018թ-ին:

Ամբողջական հոդվածը կարող եք կարդալ այստեղ