Երբ մենք ձեզ դիմում ենք «Ցռան Վերգո», «ղզլբաշ», կարծում եք խելագար ենք. «Դեդը»` դատարանին

NEWS.AM-ը գրում է.

Երեւանի Շենգավիթ վարչական շրջանի ընդհանուր իրավասության դատարանում այսօր՝ նոյեմբերի 28-ին, «Սասնա ծռեր» զինված խմբի գործով առանձնացված 2-րդ մասով նիստին ամբաստանյալներից Մարտիրոս Հակոբյանը «Դեդը» հայտարարությամբ հանդես եկավ` դատարանին արդարադատության կոչ անելով:

Նա նշեց, որ ՔԿՀ-ից իրեն դատարան են տեղափոխում շղթայված, այդ մասին տեղեկացրել է դատարանին, սակայն, մինչ այսօր այդ ուղղությամբ ոչինչ չի արվել:

«Ինձ շղթայված են դատարան տեղափոխում, խոստացաք անդրադառնալ ընթացքում, սակայն, հիմա լռությամբ մերժում եք: Դատարանը մինչեւ հիմա «ամբաստանյալով» է ինձ դիմում, ինչը չի համապատասխանում իմ կարգավիճակին, քանի որ ես քաղբանտարկյալ եմ: Հիմա, եթե մենք ձեզ «Ցռան Վերգո», «ղզլբաշ» ենք դիմում, կարծում եք խելագար ենք:  Խնդրում եմ ասեք` ինչպես դիմեմ ձեզ: Չէ որ ղզլբաշները, որոնք նույն կերպ էին վեաբերում ժողովրդի հետ, ինչպես այս ռեժիմն է վերաբերում մեզ հետ հիմա: Զարհուրելի է այն դատարանը, որը քցում-բռնում, ոնց ուզում մրոտում է: Արեք, մեկա մենք մերն արել ենք արդեն»,-ասաց նա:

 Երեւանի Էրեբունի եւ Նուբարաշեն վարչական շրջանների ընդհանուր իրավասության դատարանի վարույթում գտնվող այս գործով արտագնա նիստը նախագահում է դատավոր Արթուր Օհանյանը:

Այս գործով կա 11 ամբաստանյալ՝ Արամ Մանուկյան, Հովհաննես Հարությունյան, Թաթուլ Թամրազյան, Արամ Հակոբյան, Տիգրան Մանուկյան, Արայիկ Հակոբյան, Վարդան Գերավետյան, Մարտիրոս Հակոբյան, Սերգեյ Կյուրեղյան, Գեւորգ Իրիցյան, Թորոս Թորոսյան:

Առավել մանրամասն՝  NEWS.AM