Երբեմն մենք չենք նկատում մեր ունեցածը

ԼՐԱԳՐՈՂ, ՄԵՐ ԳՈՐԾԸՆԿԵՐ ԻԼՈՆԱ ԱԶԱՐՅԱՆԸ ՖԲ ԻՐ ԷՋՈՒՄ ԳՐԵԼ Է...

կիսվելով իր մտորումներով...

Երբեմն մենք չենք նկատում մեր ունեցածը, որը գուցե ուրիշի համար երազանք է, մենք կարող ենք տեսնել, լսել, խոսել, կարող ենք շարժվել ու քայլել, ունենք ընտանիք ու տուն, իսկ ինչքան շատ մարդ կա, ով երազում է այդ ամենն ունենալու մասին, ինչ-որ մեկը գուցե երազում է աշխարհն իր լուսավոր գույներով տեսնելու մասին, բայց չի կարողանում, ինչ-որ մեկը երազում է լսել աշխարհի ձայներն, ինչ-որ մեկը երազում է գոնե մեկ մետր ինքնուրույն քայլել, բայց չի կարող, իսկ մենք, մենք բողոքում ենք, որ չունենք ամենավերջին մոդելի հեռախոսը, կամ թանկ հագուստը, որ գնել ենք, մեզ այնքան էլ չի սազում: Իրականում մեր պրոբլեմներն չնչին են, կան մարդիկ, ում խնդիրների հետ համեմատած մեր պրոբլեմներն չի կարելի նույնիսկ պրոբլեմ համարել, բայց նրանք, ի տարբերություն մեզ չեն կորցնում հույսը, նրանք գնահատում են կյանքը, գնահատում են այն, ինչ ունեն, չնայած նրան, որ կյանքը շատ բաներից է զրկել նրանց, իսկ մենք ինչ-որ մի դժվարության հանդիպելուց միանգամից հանձնվում ենք, մեղադրում ենք Աստծուն ու մարդկանց մեր բոլոր անհաջողությունների մեջ: