ԵՐԵՎԱՆԻ ՉԱՅԿՈՎՍԿՈՒ ԱՆՎԱՆ ԵՐԱԺՇՏԱԿԱՆ ՄԻՋՆԱԿԱՐԳ ՄԱՍՆԱԳԻՏԱԿԱՆ ԴՊՐՈՑԻ ԹՆՋՈՒԿԻ ՀԵՏՔԵՐՈՎ

Newsmedia.am-ը երեկ անդրադարձել էր Չայկովսկու անվան դրոցում տեղի ունեցած միջադեպին: Խոստանլով, որ հետամուտ է լինելու խնդրի բազմակողմանի լուսաբանմանը: Մասնավորաես ճշտելու, թե արդյոք տնօրենը ունի՞ իրավունք մտնելու դեռահասի ընտանիք, անձնական տարածք, թե ոչ. այն ինչ արձանագրվեց araratnews.am-ի պատրաստած Տեսանյութին ծանոթանալուց հետո:

Եւ վերջապես, ո՞ր իրավունքով է ԵՐԵՎԱՆԻ ՉԱՅԿՈՎՍԿՈՒ ԱՆՎԱՆ ԵՐԱԺՇՏԱԿԱՆ ՄԻՋՆԱԿԱՐԳ ՄԱՍՆԱԳԻՏԱԿԱՆ ԴՊՐՈՑԻ ՏՆՕՐԵՆ ՄԱՐՏՈՒՆ ԿՈՍՏԱՆԴՅԱՆԸ  անրայնացնում իր սանի ընտանեկան, անձնական տվյալները՝տուրք տալով այնքան զազրելի ու աընդունելի բամբասանքի ժանրին: Արդյո՞ք տնօրենը իրավունք ունի հրապարակայնորեն վարկաբեկելու դեռահաս աղջնակի, իր ՍԱՆԻ ԾՆՈՂԻՆ, ԸՆՏԱՆԻՔԻՆ...ԱՍԵԼՈՎ ԵՐԵԽԱՅԻՆ ԸՆՏԱՆԻՔՈՒՄ ԴԱՍՏԻՐԱԿՈՒԹՅՈՒՆ ՉԵՆ ՏՎԵԼ:

Եւ արդյո՞ք իրավունք ունեն մատաղսերնդի դաստիարակությամբ զբաղվելու մարդիկ, ովքեր "գրոհում են" մի ընտանիքի ուղղությամբ, ով ընդամենը փորձել է իր երեխայի իրավունքներին տեր կանգնել...

Վերը նշված հարցերի պատասխանը ստանալու ակնկալիքով էլ, Newsmedia.am-ը հետամուտ լինելով իր որդեգրած գործելաոճին նախ փորձեց զրուցել Չայկովսկու անվան դպրոցի տնօրեն Մարտունի Կոստանդյանի հետ, ով ի սկզբանե հրաժարվեց մեր հարցերին պատասխանել հետեյալ պատճառաբանությամբ.

-Ես հեռախոսով հարցազրույց չեմ տալիս, ինձ կներեք:

-Ընդամենը մի քանի հարց ունենք` Ձեր դպրոցում տեղի ունեցած միջադեպի հետ կապված. խոսքը գնում է երկու երեխաների մասին:

-Ես Ձեզ սենց ասեմ երկու բառով. այստեղ երկու երեխայի խնդիրը չի: Քանի որ հարցը դուրս է եկել դպրոցի պատերից, եւ որ այս պահին դրանով զբաղվում են իրավապահ մարմինները: Այդ հարցով ես կսպասեմ, երբ իրավապահ մարմինները իրենց վերջնական եզրակացությունը կունենան, մենք կկայացնենք մեր որոշումը, ինչի մասին դուք էլ կիմանաք:

-Իսկ մինչ այդ, ի՞նչ է լինելու Ալլայի …(հարցը դեռ չավարտած. հեղ. Ն. Ա )

-Մինչ այդ դպրոցում արձակուրդ է, Ալլան ինչպես որ ուսանել է դպրոցում՝ նույն ձեևի շարունակում է ուսանել: Իր կյանքում ոչինչ չի փոխվել: Մենք կսպասենք իրավապահների եզրակացությանը, ինչից հետո կկայացնենք որոշումը:

-Պարոն Կոստանդյան, մենք տեսանք Ձեր հարցազրույցը «Ararartnews.am»-ին տրված, այնտեղ …(դարձյալ հարցը մնաց անավարտ…)

-Հարցազրույցը հրապարակվել է ոչ ամբողջությամբ, հատվածներ են վերցվել եւ դրվել այն անկյան տակ, որին այս պահին իրենց հարմար է եղել, ես չեմ կարող ասել:

-Պարոն Կոստանդյան, բայց փաստ է, որ Ձեր խոսքում Դուք ակամայից տեղափոխվում եք Ձեր սանի՝ աղջնակի անձնական տիրույթ …բուն խնդիրը թողած:

-Ես դրա համար եմ ասում, սխալ կարծիք է ստեղծվել: Զրույցը հրապարակվել է ոչ ամբողջությամբ: Իմ մոտեցումը հետեւյալն է. մենք կսպասենք մինչեւ իրավապահները հետաքննությունը կավարտեն:Ես այս պահին ոչ մի կարծիք չեմ ուզում հայտնել: Որովհետեւ հանվում են կադրեր, որոնք այդ պահին տվյալ մարդկանց հարմար է, այդ իսկ պատճառով ես զերծ կմնամ կարծիք հայտնելուց: Որովհետեւ «Ararartnews.am»-ով կարծիքս հնչել է միակողմանի:

-Խնդրում եմ պատասխանել կոնկրետ հարցիս. Նույն «Ararartnews.am»-ին տրված հարցազրույցում, ես հիմա չգիտեմ միակողմանի է, թե ոչ… Դուք այնտեղ երեխայի ընտանիքին վերաբերող անձնական տվյալներն ենք ներկայացնում, երեխայի ընտանեկան կարգավիճակի մասին եք խոսում.ըստ Ձեզ դա նորմալ է՞:

-Դուք նոր ասացիք միակողմանի:

-Ես չասացի. Դուք ասացիք, որ հարցազրույցը միակողմանի է: Ես էլ ասացի միակողմանի է, թե ոչ…բայց փաստ է, որ դուք տվյալ հարցազրույցում հրապարակել եք երեխային վերաբերող նեղ ընտանեկան անձնական տվյալներ. այսպես ասած՝ մտել եք երեխայի անձնական տիրույթ:

-Ես ասացի արդեն, չեմ ուզում կարծիք հայտնել:

-Բայց դա անմիջապես ՁԵր խոսքի հետ է կապված, ինչու եք դուք խնդիրը թողած՝ մտել եւ հանրայնացրել երեխայի անձնական, ընտանեկան խնդիրները, քաջ գիտակցելով , որ խոսքը աղջիկ երեխայի մասին է:

-Կլսեք ինձ ուշադիր:

-Իհարկե:

-Ուրեմն ես տվել եմ մի ժամանոց հարցազրույց, որից վերցվել են հատվածներ, հիմա Դուք դիմեք «Ararartnews.am»-ին, վերցրեք ամբողջական հարցազրույցը:

-Դե մենք Ձեզ ենք դիմում, որպեսզի ներկայացնեք Ձեր դիտարկումը:

-Վերցվել են երկու-երեք րոպեանոց կադրեր, որից դուք ինձ հարց եք տալիս: Ես ասում եմ, որ դա ամբողջությամբ չի:

-Պարոն Կոստանդյան, Դուք առաջին հերթին որպես մանկավարժ, ապա նաեւ տնօրեն, ճիշտ ե՞ք համարում, որ խնդիրը թողած՝ Դուք մտնում եք երեխայի անձնական տիրույթ:

-Ես զերծ կմնամ որեւէ բան ասելուց, կսպասեմ մինչեւ իրավապահները իրենց վերջնական եզրակացությունը տան, որից հետո մեծ սիրով Ձեզ կընդունեմ եւ կտասխանեմ Ձեր բոլոր հարցերին:

-Խնդրում եմ այս հարցիս պատասխանել, որպեսզի հետագայում չասեք, որ մենք էլ միակողմանի ներկայացրեցինք: Ճիշտ ե՞ք համարում, որ խնդիրը թողած, Դուք նաեւ մտել եք երեխայի անձնական տիրույթ:

-Ամբողջ այս խոսակցությունը կապված է երեխաների հետ: Ես Ձեզ սենց ասեմ. սա անձնական ոչ անձնական չի. ես համարել եմ, որ սա մեր ներքին խնդիրն է, ինքը իրենով բան չներկայացնող դպրոցի խնդիր, որը մենք կարող էինք կարգավորել մեր ներքին խոհանոցում: Բայց քանի որ ծնողը ցանկություն է հայտնել այս խնդիրը հանել պատերից դուրս, այս արագայում ես կսպասեմ իրավապահների եզրակացությանը: Այսքանը կասեմ:

-Շնորհակալ ենք պատասխանի համար:

-Ոչ մի խնդիր, ես էլ եմ շնորհակալ:

Հ.Գ 

Ցանկացած պահի, մենք կարող ենք հրապարակել մեր եւ պարոն Կոստանդյանի երկխոսությունը, որպեսզի հետագայում շահարկման առարկա չլինի, որ մենք միակողմանի կամ ոչ ամբողջությամբ ենք խնդիրը ներկայացրել:

Newsmedia.am-ը խնդրի առնչությամբ փորձեց մեկնաբանություն ստանալ նաեւ ԿԳՄՍ-ից, որտեղից մեզ փոխանցեցին, որ հարցը գտնվում է իրավապահների տիրույթում, եւ որ այս պահին զերծ կմնան որեւէ կերպ կարծիք հայտնելուց: Ընդգծելով, որ ԿԳՄՍ-ի համար առաջնայինը երեխայի շահն է:

Շարունակելի…

Այս խնդիրը գտնվելու է NewsMedia.am-ի ուշադրության կենտրոնում, մինչեւ որ իրականությունը պարզ կդառնա՝իր ողջ ներկապնակով:

ՆՈՆՆԱ ԱԴԱՄՅԱՆ 

Դպրոցում տեղի ունեցած միջադեպի մանրամասները՝Araratnews.am-ի Տեսանյութում: