Երևանի նոր ոստիկանապետ Սարգիս Մարտիրոսյանի անցած ուղին

Արդեն տեղեկացրել ենք, որ ՀՀ ոստիկանապետ Վլադիմիր Գասպարյանի հրամանագրով,այսօր աշխատանքից ազատված Աշոտ Կարապետյանի փոխարեն, Երևանի ոստիկանապետ է նշանակվել Սարգիս Մարտիրոսյանը:

Ըստ տարածված տեղեկությունների, նոր ոստիկանապետը քավոր-սանիկական հարաբերությունների մեջ ՀՀ տրանսպորտի և կապի նախարար Գագիկ Բեգլարյանի հետ:

Ստորև ներկայացնում ենք Սարգիս Մարտիրոսյանի կենսագրությունը.  

Սարգիս Մարտիրոսյանը ծնվել է 1963 թ. փետրվարի 25-ին Շիրակի մարզի Լեռնակերտ գյուղում:

1983-1985 թթ.` ծառայել է զինված ուժերում:

1986-1986 թթ.` Ալթայի մարզի ՆԳ վարչության ընդունիչ-բաշխիչի միլիցիոներ:

1986-1990 թթ.` ԽՍՀՄ ՆԳՆ Օմսկի միլիցիայի բարձրագույն դպրոցի ունկնդիր: 1

990-1993 թթ.` Երևան քաղաքի Էրեբունու բաժնի քրեական հետախուզության բաժանմունքի օպերլիազոր, ավագ օպերլիազոր:

1993-1996 թթ.` Երևան քաղաքի Էրեբունու բաժնի քրեական հետախուզության բաժանմունքի պետի տեղակալ:

1996-1996 թթ. Երևան քաղաքի Արաբկիրի ՆԳ բաժնի պետի օպերատիվ գծով տեղակալ:

1996-1999 թթ.` Երևան քաղաքի Էրեբունու ՆԳ բաժնի պետի օպերատիվ գծով տեղակալ:

1999-2002 թթ.` Երևան քաղաքի Շենգավիթի ՆԳ բաժնի պետի օպերատիվ գծով տեղակալ:

2002-2004 թթ.` ՀՀ ոստիկանության Արմավիրի մարզային վարչության Վաղարշապատի բաժնի քրեական հետախուզության բաժանմունքի պետ: 2004-2007 թթ.` ՀՀ ոստիկանության Երևան քաղաքի վարչության Էրեբունու բաժնի պետի օպերատիվ գծով տեղակալ:

2007-2010 թթ.` ՀՀ ոստիկանության Երևան քաղաքի վարչության Կ. Դեմիրճյանի անվան մետրոպոլիտենի պահպանության բաժնի պետ:

2010-2011 թթ.` ՀՀ ոստիկանության Երևան քաղաքի վարչության Մալաթիայի բաժնի պետ: 2011-2013 թթ.` ՀՀ ոստիկանության Երևան քաղաքի վարչության Կենտրոնականի բաժնի պետ:

2013-2014 թթ.` ՀՀ ոստիկանության Շիրակի մարզային վարչության Գյումրի քաղաքի Մուշի բաժնի պետ: 2014 թ. անձնական նախաձեռնությամբ ազատվել է ՀՀ ոստիկանությունում ծառայությունից (երկարամյա ծառայության կենսաթոշակի անցնելու կապակցությամբ):

2015-2016 թթ.` ՀՀ ոստիկանության Երևան քաղաքի վարչության պետի օպերատիվ գծով տեղակալ:

ՀՀ ոստիկանության պետի 2016 թ. մարտի 2-ի հրամանով նշանակվել է ՀՀ ոստիկանության Շիրակի մարզային վարչության պետի պաշտոնին:

Պարգևատրվել է ՀՀ և ԼՂՀ ոստիկանության գերատեսչական մեդալներով և կրծքանշաններով: Ամուսնացած է, ունի երկու որդի: