Երիտասարդ եմ և կարողանում եմ խենթանալ, էլ ի՞նչ տարիքի մասին է խոսքը. Սոֆի Դևոյան

Life.panorama.am-ը գրում է.

Հուլիսի 8-ին, պարուհի եւ դերասանուհի Սոֆի Դեւովյանը նշում է ծննդյան 68 ամյակը: Միշտ կանացի ու երիտասարդ պարուհին կայքի հետ զրույցում  կատակելով նշեց.

«Այսօր դարձա 35 տարեկան, ի՞նչ 68-ի մասին է խոսքը: Ես ինձ հիանալի եմ զգում, ես երիտասարդ եմ եւ կարողանում եմ խենթանալ, էլ ի՞նչ տարիքի մասին է խոսքը»,- ծիծաղելով նշեց հոբելյարը:

Հարցին, թե ինչպե՞ս է նա կարողանում պահպանել իր նման տեսակը, Սոֆի Դեւոյանը պատասխանեց.

«Կարծում եմ՝ սա ուղղակի տեսակի արդյունք է: Սա բնավորություն է, սովորություն գուցե, ես այսպիսին եմ ու վերջ: Հավատացեք՝ այսպիսին լինելու համար ոչ մի հատուկ բան չեմ անում»:

Մեզ հետ զրույցում Սոֆի Դեւոյանը նշեց, որ ողջ ընտանիքն ու մտերիմները արդեն ծննդյան օրվա նախապատրաստական աշխատանքներով են զբաղված.

«Մենք սովորություն ունենք՝ իմ ծննդյան օրը նշում ենք մեր տանը, հենց բակում մեծ սեղաններ ենք գցում, մի լավ քեֆ ենք անում, հետո, եթե եղանակը թույլ է տալիս, ջրվում ենք ու հիանալի օր անցկացնում: Սովորությունների շարքում իր կարեւոր տեղն ունի այն, որ ինձ հյուր են գալիս «Սոֆի Դեւոյանի պարի եւ հոգու թատրոնի» բոլոր անդամները: Արդյունքում ծննդյանս օրը միշտ մեծամասշտաբ ենք նշում»,- հավելեց պարուհին:

Առավել մանրամասն՝ սկզբնաղբյուր կայքում