Երկրի նախագահի նախընտրական խոստումը իրականացվել է.Video

Ինչպես ՀՀ-ի բոլոր մարզերում, այնպես էլ Արագածոտնի մարզում Սահմանադրական հանրաքվեի քարոզչական աշխատանքները, ըստ ՀՀԿ-ական մարզպետ Սարգիս Սահակյանի կազմակերպվել են հավուր պատշաճի՝ փորձելով մարզի բնակչությանը հնարավորինս բացատրել, տեղեկացնել, եւ իրազեկել, թե ինչ է ներկայացնում առաջարկվող նոր Սահմանադրության փաթեթը: 

Եւ չնայած այն բանին, որ մարդիկ հիմնականում իրենց օրվա խնդիրներով ու հոգսերով են զբաղված, այդուհանդերձ, արդեն մեկ ամիս է, ինչ Հայաստանի Հանրապետությունում մեկնարկել է Սահմանադրական փոփոխությունների հանրաքվեն, եւ մարզպետի համոզմամբ էլ իրականում մարզի բնակիչները՝ իհարկե ամեն մեկը իր չափով,  հասցրել է ծանոթանալ առաջարկվող նոր Սահամանադրության կարեւորագույն ու առանցքային դրույթներին: Եւ որ  ամենակարեւորն է՝ առաջարկվող փոփոխություններն   ընդունելի է եւ ընկալելի են եղել մարզի բնակչության համար: Մարզպետի խոսքով.«Մենք ամեն օր ենք աշխատում մեր համայնքի բնակիչների հետ, եւ ամեն օր էլ պարտավոր ենք զբաղվել նրանց խնդիրներով ու հարցերով: Ես ծառայում եմ իմ մարզին եւ իմ մարզի բնակչության հետ պարտավոր եմ աշխատել միշտ՝ անկախ  ցանկացած ընտրական գործընթացից: Մեր մարզում իրար հարգել կա, վստահել կա, եւ որ ամենակարեւորն է կա ՝համերաշխություն: 

Հարցին, թե իրականում չկա՞ լարվածություն մարզային իշխանության եւ պատգամավորական կորպուսի միջեւ, մարզպետ Սարգիս Սահակյանը նկատեց, որ ժամանակին. ցանկացած ընտրական կամպանիայի ժամանակ քաղաքական ուժերի միջեւ բնական է պետք է լիներ մրցակցություն, եւ այո մրցակցություն գուցեեւ  եղել է,  բայց փառք Աստծո, գործը    լարվածության  ու ագրեսիայի չի հասել: Քանի որ  մարզային իշխանության խնդիրը ոչ թե մարզի քաղաքական  կյանքը բարդացնելն է եղել, այլ ընդհակառակը՝ մարզի աշխատանքները ճիշտ եւ գրագետ կերպով կազմակերպելը: 

Այս  եւ  այլ հարցերի շուրջ առավել մանրամասն՝առաջարկվող տեսանյութում:

Հ.Գ ՀՀԿ-ական մարզպետ Սարգիս Սահակյանի հետ ունեցած մեր զրույցի շարունակությունը՝ կներկայացնենք հաջորդիվ: