Ես բազմիցս եմ գնացել այն մտքով, որ էլ հետ չեմ գալու, բայց հասկացել եմ…Անի Երանյան

Նա ճիշտ ժամանակին վերցնում է հեռախոսը, գործնական է ու անգամ պատրաստակամ հենց հարցազրույցի համար հանդիպել, անմիջական զրուցել սուրճի սեղանի շուրջը: Նա անգամ ֆիքսում է բջջայինիդ համարն ու հետ զանգում և հստակ պայմանավորվում նույն օրն ու նույն ժամին և առանց ուշացման, դեռ մի բան էլ շուտ գալիս հարցազրույցի:

Ես չեմ կոտրվելու երբեք…

Հիմա… Եկա հարցազրույցի տանից, վայելում էի հանգստյանս օրը, իսկ իմ ամեն մի ազատ րոպեն աշխատում եմ նվիրել մայրիկիս. ես գժվում եմ նրա համար:

Ընտանիքից խոսեցիք. այն մի վայր է, որտեղ…Անի Երանյանն իրեն զգում է ապահով, լիարժեք ազատ. երբ ես ինքս ինձ հետ եմ մնում, եթե անգամ ամենավատ տրամադրությամբ էլ լինեմ, մեկ է, ցույց չեմ տալիս այն տանը, որպեսզի մաման չնեղվի, իսկ նրա հետ երկու րոպե խոսելուց հետո ես արդեն ուրիշ տրամադրությամբ եմ համակվում:

Իսկ քաղաքացի՞… Ես բազմիցս եմ գնացել այն մտքով, որ էլ հետ չեմ գալու, բայց հասկացել եմ՝ կապ չունի՝ ինչ դժվարություն էլ այստեղ լինի, որքանով էլ հաճելի լինի կամ ոչ, որքան էլ տեսնում եմ մեր ժողովրդի սոցիալական բարդ վիճակը, հոգսերը, բայց ես գիտեմ մի բան, որ յուրաքանչյուր մարդ իրեն իր հայրենիքում է զգում ապահով: Երբ Մոսկվայում դուրս էի գալիս փողոց, առաջինը հենց մարդկանց սառնությունն էի զգում: Կարող է՝ մարդ ընկնի՝ ոչ մի ուշադրություն, իսկ հայի ջիգյար հասկացողությունը չկա ոչ մի տեղ: Ես շատ երևանամոլ եմ, բայց լավ չի, որովհետև պահ է գալիս, որ ուզում ես թողնես-գնաս, ու դա այնպես չի, որ հայտնի մարդկանց մոտ չի լինում կամ չի առաջանում այդ ցանկությունը. յուրաքանչյուր հայտնի մարդ հասարակ մարդ է, ունի իր այլ հետաքրքրություններն ու ապրելակերպը: Ես ուրախ եմ , որ այսպիսի ընտանիք ունեմ ու ընկերներ, որ երբեք չեմ կոտրվել ու, ավելին կասեմ, ես չեմ կոտրվելու երբեք:    

Մանրամասները` Newmag.am կայքում: