Ես քաղաքականությամբ չեմ զբաղվում, ես ոչ ՀՎԿ-ից եմ, ոչ ՃՃՊ-ից, ոչ է ԲԳԴ-ից

Այսօր լրատվամիջոցներց մեկը «Ճամբարափոխ մականունավորները՝ ՀՎԿ-ի ցուցակում. Նրանց շարքում է Կադիլակ Սերոժը» վերնագրով  մի հոդված էր հրապարակել:Hayreniq.am-ը  այդ և այլ թեմաների շուրջ զրուցեց  Սարգիս Հովհաննիսյանի հետ:  

Ստորև Ձեզ ենք ներկայացնում այդ հարցուզրույցը:

Պարոն Հովհաննիսյան,   Դուք կարդացե՞լ եք այսօր մամուլումհրապարակված  նյութն այն մասին,  որ դուք ճամբարափոխ եք ևՀՀկ-ից անցել եք ՀՎԿ-ի շարքերը , որպեսզի առաջիկա ընտրություններին առաջադրվեք որպես պատգամավոր:

-Աղջիկ ջան, ես քաղաքականությամբ չեմ զբաղվում, ես ոչ ՀՎԿ-ից եմ, ոչ ՃՃՊ-ից, ոչ է ԲԳԴ-ից: Ես լավ գործ անողին սատարող մարդ եմ:

Այսինքն, դուք չեք առաջադրվելու՞ ՀՎԿ ցուցակով:

-Ոչ, չեմ առաջադրվելու: Ասեմ ավելին, ես քաղաքականությամբ չեմ զբաղվում: Նույնիսկ թաղապետ եղած ժամանակներս միշտ էլ զերծ  եմ մնացել ակտիվ քաղաքականությամբ զբաղվելուց, նախընտրել եմ շարժվել մի սկզբունքով, որ քաղաքականությունն ու գործադիր իշխանությունը իրար հետ մի սայլով չեն կարող գնալ:

Բայց հանրությունը հիշում է  ամիսներ առաջ տված Ձեր հարցազրույցը, որտեղ խոսվում էր Ձեր և ՀՎԿ-ի համագործակցության մասին:

-Հարցիդ հարցով պատասխանեմ. Համագործակցությունը դա նշանակում է լինել գաղափարակի՞ց ու ինքս էլ պատասխանեմ. Իհարկե՝  ՈՉ. Ես լավ ծրագրերի շուրջ կարող եմ համագործակցել բոլոր այն քաղաքական ուժերի, գործիչների, անհատների հետ, ում գործունեությունը օգուտ է բերում մեր երկրին:

Վերը նշված հոդվածում Ձեզ անվանում են մականունավոր, ինչպե՞ս կմեկնաբանեք, դա Ձեզ չի՞ զայրացնում:

-Դուք անընդհատ այդ թերթի անունն եք տալիս, այդ հոդվածն եք օրինակ բերում, մինչդեռ ես հարյուրավոր բարեգործությունների հեղինակ  եմ և երբեք ուրիշների նման չեմ բարձրաձայնել այդ մասին: Ինչի, այդ թերթի տերերը տեղյա՞կ չեն իմ մասին, իմ արած գործերի, իմ դավանած արժեքների մասին: Մեկը հենց Բաբուխանյանը, այդ Ձեր ասած թերթը իրենն է, չէ՞: Միգուցե մի հատ էլ իրենից հարցնեք իմ մասին, համոզված եմ հիշելու շատ բան կունենա:

 Չեմ կարող չնկատել.  Դուք բավականին գրագետ եք խոսում, իսկ ինչու այլ լրատվամիջոցներում Ձեր պատասխանները ժառգոնով են:

-  Ով ինչ ձևի ուզում է, այնպես էլ պատասխանում եմ. մի լրագրողի սենսացիա է անհրաժեշտ, մյուսին լայքեր, էն երրորդին էլ սկանդալային վերնագիր: Հո չեմ նեղացնելու/ծիծաղում է/

Այս ընտրություններին ու՞մ եք սատարելու:

 -Կրկնվեմ. բոլոր  նրանց ում գործունեությունը կնպաստի մեր երկրի զարգացմանը:

Իսկ այդպիսիները շա՞տ են:

-Կան…