Էս սարքած գործ ա. համոզված է Հակոբ Հակոբյանի որդին

1in.am-ը գրում է. «Էս լրիվ սարքած գործ ա, թե չէ հենց էնպես չեն գալիս առանց տեղյակ պահելու, առանց ծանուցագրի մարդուն ձերբակալում տանում: Ստեղ ամեն ինչ շատ մութ է ու խառը»,- «Առաջին լրատվական»-ի հետ զրույցում ասաց Հակոբ Հակոբյանի (Ճոյտ) որդին՝ Արմեն Հակոբյանը: Վերջինիս խոսքերով՝ իրական պատճառաբանությունը համարվում է իրենց պատկանող «Ուրախ և տխուր» ընկերության նկատմամբ հարկային պարտավորություններին վերաբերող ակտի հետ կապված գործը, որն իրենք բողոքարկել էին դատարանում, սակայն համարում է, որ դա ընդամենը պատրվակ է: «Ըստ օրենքի՝ մենք հնարավորություն ունենք բողոքարկելու ակտը, ինչն արել ենք: Ու եթե դատարանը կորոշի, որ մենք սխալ ենք, ապա կտանենք և կմուծենք այդ գումարը: Բայց հիմա փաստացի մարդուն կալանավորում են և հնարավորութուն չեն տալիս, խանգարում են դատարանում վիճարկել ակտը և վերականգնել մեր իրավունքները»,- հավելեց կրտսեր Հակոբյանը:

Մեր հարցին, թե ինքը համարո՞ւմ է, որ Հակոբյանի ձերբակալությունն ավելի շատ պայմանավորված էր նրա հեղինակած ֆիլմով, որդին արձագանքեց. «Դա չեմ կարող ասել, քննություն պետք է գնա, բայց մի բան պարզ է, որ մարդուն հենց այնպես, մի րոպեում չեն գալիս ձերբակալում տանում: Սա շինծու գործ է և մեզ հավատ չի ներշնչում: Ինչ վերաբերում է ֆիլմին, ապա դա չեմ կարող ասել։ Ես էլ եմ կարդացել, որ նա պատրաստվում էր Հոկտեմբերի 27-ի մասին էլ ֆիլմ նկարել: Դրա մասին անգամ հեռուստատեսությամբ է հայտարարել: Բայց հենց դա է եղել պատճառը, թե այլ պատճառներ կան՝ չեմ կարող ասել»:

մանրամասները` սկզբնաղբյուրում