2 Դեկտեմբեր, 2013

Եթե անկեղծ լինեմ՝ երեքն էլ արժանի են, չեմ կարող որևէ մեկին առանձնացնել.Հենրիխ Մխիթարյան

Հայաստանի ազգային հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը Գերմանիայի առաջության 14-րդ տուրի՝ «Մայնցի» դեմ խաղից հետո (3-1), հարցազրույց է տվել ռուսական Спорт-Экспресс-ին: -Ի՞նչ տեղի ունեցավ նշանակված երկրորդ 11 մետրանոցի ժամանակ: -Չգիտեմ: Ցանկանում էի ես իրացնել 11 մետրանոց հարվածը, սակայն ստացվեց այնպես, որ մարզիչը մատնացույց արեց Լևանդովսկուն: -Այդ խաղում գո՞հ եք ձեր ելույթներից: -Իհարկե, քանի որ թիմը շատ կարևոր հաղթանակ տոնեց: -Յուրա Մովսիսյանի հետ, ով այժմ վիրահատվում է ԱՄՆ-ում, կապ հաստատե՞լ եք: -Նրա հետ խոսել եմ հեռախոսով: Նա իրեն լավ է զգում: Աստված տա, որ նա կարողանա ապաքինվել նախքան Ռուսաստանի առաջնության երկրորդ մրցափուլը: -ԶԼՄ-ներում լուրեր էին տարածվել այն մասին, որ Մոսկվայի «Սպարտակը» ժամանակին ցանկացել է գնել ձեզ, և առաջարկել է ասել, թե որքան աշխատավարձ եք ցանկանում թիմին միանալու համար: -Չեմ ցանկանում խոսել այդ մասին: Ես երջանիկ եմ Դորտմունդում: -Չեմպիոնների լիգայի խմբային փուլի՝ «Նապոլիի» դեմ տնային խաղից հետո, իսպանական և իտալական մամուլը ձեզ համեմատում էր Լիոնել Մեսսիի հետ: -Իհարկե, դա շատ լավ է, բայց ես դեռ պետք է աշխատեմ և աշխատեմ: -«Ոսկե Գնդակի» գլխավոր հավակնորդներն են Մեսսին, Ռիբերին և Ռոնալդուն: Ձեր կարծիքով՝ ո՞վ պետք է ստանա այդ մրցանակը: -Եթե անկեղծ լինեմ՝ երեքն էլ արժանի են: Չեմ կարող որևէ մեկին առանձնացնել: -Շատերը ֆավորիտ են համարում Կրիշտիանու Ռոնալդուին: Աշխարհի առաջնության որակավորման փուլում Պորտուգալիան խմբում առաջին հորիզոնականի համար պայքարում զիջեց Ռուսաստանին: Բացի այդ, Ռոնալդուին չհաջողվեց գրավել Ակինֆեևի դարպասը: Ի՞նչ եք կարծում՝ Ռուսաստանը Բրազիլիայում հաջողության կհասնի: -Եթե թիմը խմբային փուլում զբաղեցրել է առաջին հորիզոնականը, ապա, կարծում եմ, Բրազիլիայում նվազագույնը պետք է խմբից դուրս գա: -«Բորուսիան» Չեմպիոնների լիգայում շուտով որոշիչ հանդիպում է ունենալու «Մարսելի» հետ: Ի՞նչպես է տրամադրվածությունը: -Իհարկե, լավատեսական է: Վերջերս չկարողացանք հաղթել երեք խաղ անընդմեջ: Սակայն «Նապոլիի» հետ բարդ խաղում կարողացանք հաջողության հասնել: Այսօր նույնպես ծանր հանդիպում ստացվեց: -Գերմաներենի ուսուցման գործընթացը ո՞ր փուլում է: -Այնքան էլ լավ չի ընթանում, եթե անկեղծ լինեմ, բայց զուտ ֆուտբոլային տերմինաբանությունը արդեն հասկանում եմ: Աղբյուրը՝ armsport.am