«Եթե կա կուսակցություն՝ ուրեմն կա շահ, ու աթոռի կռիվ».արձագանքում են քաղաքացիները.VIDEO

ՎԱՐԿԱՆԻՇ 

Այսուհետ, Fnews.am էլ.օրաթերթը, «Վարկանիշ» խորգարի ներքո ներկայացնելու է քաղաքական ուժերի, քաղաքական ու պետական գործիչների, ինչպես նաեւ պետական գերատեսչությունների ու կառույցների, այդ թվում նաեւ Մեդիա դաշտի՝ հեռուստաընկերությունների, տպագիր մամուլի ու էլեկտրոնային օրաթերթերի ունեցած վարկանիշը՝  հասարակության լայն շերտերում:
Այն իրականացնելու ենք հարցումների, փորձագետ-մասնագետների կարծիքները համադրելու ու նրանց տեսակետները ներկայացնելու միջոցով:

Այսօր, մեր թղթակիցը, փորձել է պարզել, թե ինչպես է շարքային քաղաքացին վերաբերում օրվա թոփ թեմային՝ ՀՀԿ-ՀՅԴ համագործակցությանը, եւ փորձել է պարզել, թե ընդհանրապես ի՞նչ վարկանիշ ունեն քաղաքական ուժերը հանրության շրջանում:

Հարցվածներից շատերը այն կարծիքին են, որ քաղաքական ուժերից շատերը այսպես ասած իրար արժանին են…

Երեւանաբնակ, Ա. Մանուկյանն օրինակ այն կարծիքին է, որ ներքաղաքական այս լաբիրինթոսի մեջ քաղաքայկան դաշտը ասվածը գնալով ոչնչանում է. «Ես կարծում եմ, որ մի տեսակ ռոբոտային իրավիճակ է ստեղծվել մեր քաղաքական դաշտում: Այնպիսի տպավորություն է, որ բոլորը վազում են վերջին փշրանքների հետեւից: Վստահ եմ, որ շատ քչերին կարող է հետաքրքրել ժողովորդի շահը: Ինչ խոսք, որ բոլորն էլ մտածում են իրենց փափուկ աթոռների, տաքուկ կյանքի ու վայելքների մասին: Ի՜նչ ժողովուրդ, ի՜նչ բան, այ աղջիկ ջան»:

Քաղաքացի Ս. Վարդանյանն էլ հավելեց, թե. «Այ բալիկս, ո՞ւմ ա հետաքրքիր մենք կմեռնենք, թե կապրենք: Կարեւորը ժողովրդին առաջ քշելով իրանց ուզածին հասնեն, ու հետո էլ դուռը շրխկացնեն էս ժողովրդի երեսին: Էսօր, բարգավաճ, դաշնակ, չգիտեմ ժառանգական ու լեւոնական, սաղ մի տեսակ չեն էլ հասկանում ինչ են ուզում, ինչի էին պայքարում, ու ժողովրդին էլ ինչի էին մատերի վրա պարացնում: Էդ բարգավաճից էլ բան չհասկացանք, էլ ի՞նչ բարգավաճ՝ առանց Ծառուկյանի: Դե դաշնակցությունն էլ, ինչ արեց -չարեց իրա գործն ա, բայց դե  դաշնակցության ժողովուրդը գրագետ ա  մի տեսակ»:

«Բոլոր կուսկացություններ էլ վարկաբեկված են»,-բորբոքված նկատեց քաղաքացի Մ. Սաղաթելյանը, հավելելով.«Եթե քաղաքականությամբ են զբաղվում՝ ուրեմն վարկաբեկված են, վերջ: Մեր երկրում ո՞ւր է կուսկացություն, որ մի հատ էլ վարկաբեկված լինեն, կամ չլինեն: Եթե կուսկացություն լիներ, ապա կզբաղվեր ժողովրդի հոգսերով, այլ ոչ թե աթոռի հետևից կընկնեին: Չնայած հանրապետականների մեջ էլ կան մարդիկ, որ անցած ճանապարհ ու հարգանք ունեն»:

Քաղաքացիներից ոմանք էլ ուղղակի ծիծաղեցին ստեղծված իրավիճակի շուրջ:

Ազատամարտիկ Սերյան Չլիլինգարյանն էլ ասաց. «Ինձ համար բոլորը մեկ են: Եթե կա կուսակցություն, ուրեմն կա շահ, եթե կա շահ ուրեմն աթոռի կռիվա կա, սրանից էլ ենթադրենք, որ կուսակցություններին ժողովուրդը դեմ է: Բոլորն էլ աթոռի կռիվ են տալիս: Շատ են մարդկանց արհամարում, դաշնակցությանն էլ գիտենք, թող իրար հետ աշխատեն լավ լինեն»:
Այլ տեսակետներ՝ առաջարկվող տեսանյութերում: