Եթե ՔՊ-ն ընտրակեղծարարություն չանի, Ավինյանը կհավաքի 7% ձայն․ Վարդան Ղուկասյան

«Քարոզարշավն ընթանում է անհավասար, քանի որ իշխանական թևի ներկայացուցիչը ամբողովին օգտագործում է պետական ապարատն ու պետական լծակները։ Եվ ինչքան էլ որ իշխանականները ընտրությունների համար դրամահավաք են արել, սակայն օգտագործում են պետական ֆինանասական միջոցները»,- այս մասին Oragir.News-ի հետ զրույցում ասաց «Հանրային Ձայն» կուսակցության նախագահ Վարդան Ղուկասյանը։ Նշենք, որ կուսակցությունը մասնակցում է Երևանի ավագանու ընտրություններին, նրանց քաղաքապետի թեկնածուն Արտակ Գալստյանն է, ով այժմ կալանավորված է։ «Վարչապետից բռնած, իրենց թաղայիններով, թաղապետերով Ավինյան են գովազդում չեղած տեղը։ Սեպտեմբերի 15-ին էլ ՔՊ-ն պատրաստվում է երթ անել, որին կմասնակցի նաև վարչապետ կոչված երևույթը։ Այդ մարդը չհասկացավ, որ 2018 թվականի երթից հետո այլևս իր երթերը անիմաստ են, և հասարակությունը այլևս չի ասի՝ գալիս ա մեզ փրկի»,- ասաց Ղուկասյանը։ Գնահատելով իր կուսակցության շանսերը ավագանու ընտրություններին՝ Վարդան Ղուկասյանն ասաց, որ բավականին մեծ շանսեր ունեն, քանի որ քաղաքացիներից ամեն օր բազմաթիվ զանգեր ու հաղորդագրություններ է ստանում․ «Քաղաքացիները բավականին ակտիվ են։ Նրանք հասկացել են, որ երկու, երեք անգամ խաբվել են։ Եթե օրինակ այս ընտրությունները տեղի ունենային Գյուրիում և Վարդենիսում, ես իմ շանսերը բարձր չէի գնահատի, քանի որ այնտեղ զոմբիների քանակը բավականին բարձր է, կրթված մարդիկ այնտեղ քիչ են, իսկ Երևանում փառք Աստծո կրթված մարդիկ շատ են, և գիտակցու մ են, որ ՔՊ-ի վրա հույս դնել նշանակում է Հայաստանը բանտիկով հանձնել Ադրբեջանին և Թուրքիային»։ Ղուկասյանի խոսքով՝ եթե «Քաղաքացիական Պայամանգիր» կուսակցությունը ընտրակեղծարարություն չանի և չօգտագործի պետական ռեսուրսները ապա Տիգրան Ավինյանը կհավաքի ընդամենը 7% ձայն։ Հարցին՝ իսկ «Հանրային Ձայն» կուսակցությունը ինչքա՞ն ձայն կհավաքի Ղուկսայանն ասաց․ «Եկեք սպասենք սեպտեմբերի 17-ին։ Ես վստահ եմ, որ շեմն անցնելու եմ, բայց տոկոսային պռագնոզ չեմ կարող տալ։ Մենք այս օրվան հասանք այն պատճառով, որ շատ քաղաքացիներ նախորդ ընտրություններին չգնացին ընտրության։ Պետք է խնդրեմ մեր քաղաքացիներին մի կողմ դնեն այն հասկացողությունը՝ ես բոլորին դեմ եմ, բոլորը վատն են, կամ իմ ձայնը ոչինչ չի փոխում, ժողովուրդ ջան, գնացեք նտրատեղամաս և մի թեղեք, որ ձեր ձայնը հոդս ցնդի»,- եզրափակեց նա։ 

ORAGIR.NEWS