«Եվրատեսիլի» հայաստանյան պատվիրակության կազմը թարմացնելու ժամանակն է

Երեկ տեղի ունեցավ «Եվրատեսիլ 2017» երգի մրցույթի Հայաստանի պատվիրակ Արծվիկի «Fly With Me» երգի և տեսահոլովակի պրեմիերան։ Շաբաթներ շարունակ ոչ միայն Հայաստանում, այլև միջազգային հարթակներում սկսեցին շունչները պահած սպասել Արծվիկի երգին, որը որ մեր ստեղծագործական թիմը որոշել էր հրամցնել ամենավերջինը։ Երբ մենք հարցրինք, թե արդյոք այս ամենը պարտավորեցնող չէ՞, պատասխանեցին՝ լավ արդյունքի համար արժե սպասել։ Արժեր, թե՝ ոչ․ պատասխանը տրված է երաժշտասեր հասարակության մեկնաբանություններում՝ երբեմն չափազանցված, երբեմն՝ անհիմն կամ հիմնավոր։ Այն, որ երգը ոչ միանշանակ ընդունվեց, փաստում են սոցիալական հարթակում արված գրառումներն ու մեկնաբանությունները, որոնցից մի քանիսը ներկայացնում ենք ստորև․

Կառլ Ավետյան- Երազ էի տեսել ուրեմն։ Աշխարհիս երեսին մի քանի պարող էր մնացել։ Համերգներին, ֆլեշմոբներին, ռեստորանային համալիրներում, հեռուստատեսություններում, լոտոյի գովազդում, Արծվիկի կլիպում բոլորը նույն պարողներն էին։ Զարթնեցի տեսա երազ չէր((

Զառա Պողոսյան- Արծվիկ ջան հաջողություն քեզ! Բայց ավելին էի սպասում քո հնարավորություններից ելնելով... Այդքան գրում էիք ազգային, դուդուկ, տարազ.... ու վերջում չինական...

Ալեն Ավագյան- Հնդկական սերիալներն ազդեցին նաև մեր եվրատեսիլյան երգի ընտրության վրա։

Նարեկ Միքայելյան- Ես ավելիին էի սպասում, բայց սա էլ վատ չէ։ Շնորհավորում եմ պրեմիերայի համար։ Երգը շատ լավը չէր, բայց դու քո հզոր երգեցողությամբ լցնում էիր երգը։

Հելլեն Ղազարյան- Արծվիկին հաջողություն եմ մաղթում... երգը անհասկանալի էր,բայց հետաքրքիր...

Նանո Նա-նա-յան- բացարձակ չհիշվող երգ... բայց ինձ դուր եկավ)։

Կառլոս Նազարյան- Երգը իրականում այդքան էլ վատը չէ, պարզապես այդ ճապոնական տարրերը, արհեստական շարժումները անհետաքրքիր են դարձնում երգը. լսողը չի կարողանում կենտրոնանալ երգի վրա։ Կար որակ, ու, ինձ թվում է, Արծվիկի ձայնային տվյալները էս երգում լավ էլ նկատելի են։ Կարծում եմ վերջաբանը շատ անորոշ է ստացվել, բայց նաև կարծում եմ, որ այս երգը մեզ հաջողություն կբերի, քանի որ Արծվիկը ունի հզոր ձայնային տվյալներ, արտիստիզմ, հմայք և ամենը Եվրոպայի սիրտը գերելու համար։

Վիկտորյա Մաթևոսյան- Արծվիկ ջան շատ լավ ձայն ունեք; բայց ընտրված եգը անհաջող է և ձեր բոլոր ջանքերը ջուրը կգցի...

Աննա Գրիգորյան- Երգ երաժշտության գիտակ չեմ որ վերլուծեմ քրքրեմ,լսում եմ էն ինչը ականջս շոյումա...Արծվիկն ինձ մոտ ասոցացվում էր Սելին Դիոնի կարողությունների հետ մի հարթության ու որպես բաց ձայն,ով կարող է երգը շուռումուռ տա բայց չփչացնի...Երգը վատը չէ ուղղակի անսովոր է...Անկախ ամեն ինչից քաջալերում ու սատարում ենք ԱՐԾՎԻԿԻՆ,որ հաջողությամբ անցնի այս արդեն ինձ համար չարաբաստիկ եվրատեսիլը...Մի բան ինձ ջղայնացրեց որ համեմատեցին մեր երգը Ջամալայի կատարած երգի հետ...Ես նմանություն չտեսա...ՀԱՋՈՂՈՒԹՅՈՒՆ ԵՎ ՀԱՂԹԱՆԱԿ

Արթուր Սմսարյան- Ճիշտա երգը լավագույն տարբերակը չի, բայց եկեք բոլորս միահամուռ կերպով հաջողություն մախթենք Արծվիկին, որպեսզի նա և մեր ամբողջ պատվիրակությունը հաղթանակով վերադառնա Հայաստան։

Ալիսա Շահբազյան- Շատ էլ լավնա հերիքա քննադատեք։։կարողա ինչ֊որ տեղ երգը լավը չի ։ բայվ հնարավորա, որ հրաշալի շոու կազմակերպվի ու երաժշտության հետ շատ գեղեցիկ դիտվի և լսվի

Անի Հարությունյան- Կարծում եմ՝ ստեղծագործական կազմը թարմացնելու ժամանակն է։

Անկախ տարատեսակ մեկնաբանություններից, հիասթափություններից, հարկ է մայիսի 9-ին սատարել մեր մասնակցին և միանալ նրա եվրատեսիլյան ճախրանքին։

Hraparak.am