Եվրո-2016. Օրվա խաղերի անոնս

Մարտի 28-ին կկայանան Եվրոպայի 2016 թվականի առաջնության ընտրական փուլի A, B եւ H խմբերի հերթական հանդիպումները:
Օրվա ամենահետաքրքիր դիմակայություններն են Հոլանդիա - Թուրքիա եւ Բուլղարիա - Իտալիա խաղերը, որոնք կմեկնարկեն Երեւանի ժամանակով 23:45-ին:

Եվրոպայի առաջնություն, ընտրական փուլ

A խումբ

Ղազախստան – Իսլանդիա՝ 19:00

Չեխիա – Լատվիա՝ 21:00

Հոլանդիա – Թուրքիա՝ 23:45

Խմբի կենտրոնական խաղում աշխարհի առաջնության բրոնզե մեդալակիր Հոլանդիայի հավաքականը կհյուրընկալի Թուրքիային: Գուս Հիդինկի թիմը վատ է մեկնարկել ընտրական փուլում՝ մեկնարկային 4 խաղում վաստակելով ընդամենը 6 միավոր: Իր հերթին Թուրքիան ունի 4 միավոր:

4 հաղթանակ տարած չեխերը կմրցեն լատվիացիների դեմ, իսկ 9 միավորով երկրորդ տեղում ընթացող իսլանդացիները կհյուրընկալվեն խմբի հետնապահ Ղազախստանին:

B խումբ

Իսրայել – Ուելս՝ 21:00

Անդորրա – Բոսնիա եւ Հերցեգովինա՝ 23:45

Բելգիա – Կիպրոս՝ 23:45

B խմբում կկայանա առաջատարների՝ Իսրայելի եւ Ուելսի միջեւ խաղը: Ընտրական մրցաշարում վատ մեկնարկած Բելգիայի հավաքականը սեփական հարկի տակ ընդունելու է կիպրոսցիներին: Մարկ Վիլմոտսի թիմը մեկնարկային 4 խաղերում վաստակել է 5 միավոր եւ նրան անպայման հաղթանակ է հարկավոր, Կիպրոսը 6 միավորով երրորդն է:

H խումբ

Ադրբեջան – Մալթա` 21:00

Խորվաթիա – Նորվեգիա` 21.00

Բուլղարիա – Իտալիա` 23:45

H խմբում առաջատարներն են Իտալիայի եւ Խորվաթիայի հավաքականները, որոնք ունեն 10-ական միավոր:

Այսօր իտալացիներն արտագնա հանդիպում կանցկացնեն բուլղարացիների հետ, խորվաթները կհյուրընկալեն նորվեգներին, իսկ խմբի հետնապահ ադրբեջանցիները Բաքվում կընդունեն Մալթային:

ARMsport.am