Ֆալշ ստարտ տվողները քաղաքական ֆիասկո են ապրելու...

ԱԺ ՀՀԿ խմբակցության պատգամավոր Համլետ Հարությունյանը, ԱԺ վերջին քառօրյայի աշխատանքը գնահատում է բուռն՝ պայմանավորված քննարկվող հարցերով, ու դրան հաջորդող այն ուշագրավ էպիզոդներով, ուր ակնհայտ երեւում է, թե ով ում ջրաղացին է ջուր լցնում, ով ում համար է կռիվ տալիս եւ ինչո՞ւ: Ամենակարեւորը, սակայն ըստ Հարությունյանի այն է, որ իրենց կուսակցությունը` ՀՀԿ-ն կուռ ու անկոտրում կառույց է, ուր լուրջ ցնցումներ ու ճաքեր առաջանալ չեն կարող, քանի որ իրենք լավ են տիրապետում դիմագրավելու բոլոր ձեւերին:
Իսկ թե ինչո՞վ են պայմանավորված այն խոսակցությունները, որ վերջին ժամանակներս ՀՀԿ-ի ներսում իրականում լուրջ ինտրիգների ու գզվռտոցների շրջան է սկսել, Fnews.am-ը մի քանի հարցադրում արեց Համլետ Հարությունյանին:

-Պարոն Հարությունյան, մինչ Ձեր հարազատ կուսակցության մասին խոսելը, նախ կցանկանայի իմանալ Ձեր տեսակետը` ներկայիս խորհրդարանի նախըտրած բանավեճի ֆորմատի ու հատկապես լեքսիկոնի վերաբերյալ: Այնպիսի տպավորություն է, որ խորհրդարանը լիովին վերածվում է ուրախների ու հնարամիտների ակումբի, ինչն ըստ էության վերացնում է օրենսդրական մարմնի դերն ու նշանակությունը: Ի՞նչ կասեք սրա վերաբերյալ:

-Ես օրինակ էդ խայթել, գզվրտվել, չգիտեմ կռվել, տենց բաներին ուշադրություն չեմ դարձնում:  Չկա տենց բան. կա քաղաքական երկխոսություն, որի ժամանակ էլ ամեն մեկը մի ձեւով է  խոսում. մեկը` մի քիչ կոպիտ, մյուսը` քնքուշ, մի ուրիշը ավելի կոպիտ:
-Այսինքն դուք դրան նորմալ ե՞ք վերաբերում…

-Այդ նորմալ ասվածը հարբերական է.բայց որ էսօր ամեն մի կուսացություն, քաղաքական գործիչ փրձում է իր գործելակերպով առանձնանալ, հասարակության ուշադրությունը գրավել,  դա ակնհայտ է: Բա  պիտի անեն չէ՞, որ իրենց ընտրողներին ցույց տան, որ շատ են մտածում ժողովրդի մասին:
-Իսկ այդ համատեքստում կարելի է՞ ասել, որ 2018-ը դեռ չեկած ու չտեսած, որոշ քաղաքական  ֆիգուրներ եւ ուժեր   աթոռակռիվն արդեն սկսել են:
-Իհարկե քաղաքականության մեջ ֆալշ ստարտներ լինում են, բայց դրան չարժե լուրջ ուշադրություն դարձնել: Քանի որ ճիշտ ժամանակ չընտրելու պատճառով նրանք անպայման ֆիասկո են ապրելու:

-Պարոն Հարությունյան, Ձեր ընդիմախոսների շատերը հրապարակային ելույթների ժամանակ բարձրաձայնում են այն մասին, որ իշխող կուսակցության ներսում հիմա ներքին տագնապներ ու վախեր կան, եւ որ այդ լարվածությունը մեղմելու առումով առայժմ լուրջ քայլեր չեն արվում: Ավելին խոսք է գնում այն մասին, որ ՀՀԿ-ի ներսում ճաքեր կան: Ձեր մեկնաբանությունը:

-Էս վերջին օրերին էդ հարցը ինձ  էնքա~ն են տվել, չեք պատկերացնի: Բայց ես ձեզ աեմ, որ ՀՀԿ-ի ներսում  մազաչափ անգամ ճաք չկա: ՀՀԿ-ն` կուռ, միաձույլ թիմ է:

-Կարծում եմ շատ հաճախ դուք ել եք լսել այն մասին, որ որ ՀՀԿ-ում կան մի քանի թեւեր ու թիմեր. օրինակ` Հովիկ Աբրահամյանական, Կարեն Կարապետյանական, Բարսեղ Բեգլարյանական եւ այլն: Դուք հիմա դուք Ձեզ ո՞ւմ թիմից եք համարում:

-Դուք ինչու եք ինձ, եւ մեր կուսակցությանը վիրավորում: Նման բան չկա. մեզ մոտ թիմեր չկան: Ես ոչ մեկի թիմից էլ չեմ. ես ՀՀԿ-ից եմ եւ ներկայացնում եմ իմ կուսացությունը: Ամբողջ ՀՀԿ-ն թիմ է, եւ ես էլ այդ թիմի անդամ եմ:
Եթե մարդիկ մեկ-մեկ իրենց անձնական կարծիքն են հայտնում, կամ ինչ-որ մի բանից դժգոհում են, դա չի նշանակում, թե կուսակցության ներսում ճաքեր կան:
Կուսակցություն է, հարյուր հազարից ավել մարդ կա. մեկը` գոհ կլինի, մյուսը` դժգոհ, մեկի հետ անարդարացի կվերաբերեն, հետո ի՞նչ... Ամեն ինչ էլ պատահում է:
-Կոնկրետ Ձեզ հետ այս տարիների ընթացքում ՀՀԿ-ն արդարացի է՞ վերաբերվել:

-Դե եթե արդարացի չվերաբերվեին, չորս անգամ չէի ընտրվի ԱԺ պատգամավոր:

Գայանե  Զարգարյան