Ֆաշիզմի դեմ հաղթանակի 70 ամյակին նվիրված ցուցահանդես Հայաստանի Նկարիչների Միությունում PHOTO

Այս տարի հայ ժողովրդի համար համարվում է պահանջատիրության ,հաղթանակի, վրեժխնդրության տարի: Ազգովի նշում ենք Զորավար Անդրանիկի ծննդյան 150, Հայոց Մեծ Եղեռնի 100 և Հայրենական Մեծ Պատերազմի Հաղթանակի 70 ամյակները: Հիշարժան տարեթվեր ,որոնք մեծ դեր ու նշանակություն ունեն մեր նորագույն պատմությունը կերտելու համար: Ես ցանկանում եմ խոսել Հայրենական Մեծ Պատերազմի 70 ամյակի մասին:
Տարեսկզբից մեր,ինչպես նաև արտերկրում կազմակերպվում են տարրաբնույթ միջոցառումներ,սեմինար-քննարկումներ,ֆիլմերի դիտումներ ու ցուցահանդեսներ նվիրված Եղեռնի հիշարժան տարելիցին:
Հայրենական մեծ պատերազմին մասնակցել է 600 հազար հայ, որոնցից 300 հազարը եղել է Խորհրդային Հայաստանից,100000 Սփյուռքից,90 000 Արցախից զոհվել են 200 հազարը, որոնցից 45 000 Արցախից և այլ Խորհրդային Միության այլ հանրապետություններից:

Սա իրոք պատկառելի թիվ է, եթե հաշվի առնենք, որ 1939թ. տվյալներով հայերի թիվը ողջ ԽՍՀՄ-ում մոտ 2 մլն էր, այսինքն` հայերի 25 տոկոսը մարտնչում էր: Բացի նրանցից` 100 հազար հայ էլ մարտնչել է հակահիտլերյան կոալիցիայի երկրների զորքերի կազմում:
Շուրջ 70 հազար հայ պարգևատրվել է մարտական շքանշաններով ու մեդալներով:
Խորհրդային Միության հերոսի բարձր կոչմանն է արժանացել 105 հայ,որոնցից 2-ը կրկնակի` գրավելով 6-րդ տեղը ռուսներից, ուկրաինացիներից, բելառուսներից, թաթարներից և հրեաներից հետո:
27 հայ քաջարի մարտիկներ դարձել են Փառքի շքանշանի ասպետ, ինչը հավասարեցվում է Հերոսի կոչման:
Հայ ժողովուրդը Հայրենական մեծ պատերազմին տվել է 5 մարշալ, 64 գեներալ: Պատերազմից հետո գեներալի կոչում է ստացել մարտական գործողությունների մասնակից ևս 83 հայ սպա:
Կազմավորվել են 6 հայկական դիվիզիաներ`89-րդ,408-րդ, 409-րդ, 261-րդ,76-րդ,390-րդ:
Այսպիսով մեծանում է ժամանակը և տարածությունը, որը մեզ բաժանում է Մեծ Հայրենականի Հաղթանակից: Անցել է 70 տարի: Իրողությունները հուշ են դարձել, հուշերը` զանգվածային սխրանքներ, առասպելական հերոսությունները`պատմություններ: Խորհրդային երախտապարտ ժողովուրդը արժանին է մատուցում Հայրենականի հերոսներին` սուրբ մասունքների պես հավաքելով արժանահիշատակ դեպքերին վերաբերվող պատմություններ, որպեսզի ոչինչ չմոռացվեր, ոչ ոք չմոռացվեր ...

Խոսենք մի շատ հետաքրքիր ցուցահանդեսի մասին,որը բացվեց Հայաստանի Նկարիչների Միությունում սույն թվականի մայիսի 6-ին:Բացման ու ողջույնի խոսքով հանդես եկավ Հայաստանի Նկարիչների Միության նախագահ Կարեն Աղամյանն,ով իր խոսքում նշեց,որ ամեն տարի այս օրերին բացվում են ցուցահանդեսներ,նվիրված Մեծ Հայրենականի հաղթանակի հերթական տարելիցին: Այս տարվա ցուցահանդեսը յուրահատուկ է նրանով,ինչպես այն հոբելյանական է,այնպես էլ այստեղ ներկայացված են թե վետերաններ ու թե երիտասարդ սերնդի նկարներ:
Այնուհետև շնորհավորական ելույթով հանդես եկան Հայաստանի Հանրապետության Մշակույթի փոխնախարար Արթուր Պողոսյանն ու Ազգային Ժողովի պատգամավոր Արտակ Դավթյանը: Միջոցառման ընթացքում Հայաստանի Հանրապետության Պաշտպանության Նախարարության գերատեսչական մեդալներով պարգևատրվեցին մի շարք վետերան-նկարիչներ:
Վերջում շնորհակալական խոսքով հանդես եկան վետերաններից,ովքեր իրենց Հայրենականի մասին հիշողություններով ու տպավորություններով կիսվեցին հանրության հետ:
Այսպիսով, ոչ ոք չի մոռացվել ,ոչինչ չի մոռացվել եկեք առաջնորդվենք այս կարգախոսով ու մեծարենք և շնորհավորենք մեր երկրի վետերաններին մեծ հաղթանակի առիթով:

Գարիկ Ավետիսյան
Լուսանկարները`Սիրարփի Կարապետյանի

Հայաստանի Նկարիչների Միություն