Ֆելիքս Ցոլակյանից բոլորը գոհ են, բայց...

Lragir.am-ը գրում է .
Ֆելիքս Ցոլակյանը շատ լավ մարզպետ է, շատ լավ է աշխատում, բոլորս գոհ ենք նրանից, իսկ նրան փոխելու որոշումը քաղաքական է։ Այս մասին Lragir.am-ի հետ զրույցում նշել է ԱԺ ԲՀԿ խմբակցության պատգամավոր Մարտուն Գրիգորյանը։
Հարցին, թե հնարավո՞ր է գյումրեցիները միահամուռ դուրս գան պայքարի՝ ի պաշտպանություն Ցոլակյանի, Մարտուն Գրիգորյանը պատասխանել է. «Ես չեմ կարող ասել, քանի որ սա նշանակովի պաշտոն է, և կառավարության որոշումը պայմանավորված է քաղաքական քայլով»։
Անդրադառնալով Գյումրիի նախկին քաղաքապետ Վարդան Ղուկասյանի և նրա որդու՝ Սպարտակ Ղուկասյանի մասնակցությամբ վերջին սկանդալային միջադեպին, որ կրիմինալը խեղդում է քաղաքը, Մարտուն Գրիգորյանը չհամաձայնեց, նշելով. «Բացարձակապես նման խնդիր չկա, իրավապահները նորմալ աշխատում են։ Դրա տակ ուրիշ բան տեսեք»։
Ինչ վերաբերում է իր Գյումրիի քաղաքապետ դառնալու հեռանկարին, նա չի հերքել նման հնարավորությունը՝ ընդգծելով. «Կգա ժամանակը, կորոշենք»։