Գագիկ Բեգլարյանը՝ փոխվարչապե՞տ.

«Հայկական ժամանակ» թերթը գրում է. «ՀՀ փոխվարչապետ, տարածքային կառավարման նախարար Արմեն Գևորգյանի հրաժարականի մասին տեղեկությունը թեև պաշտոնապես դեռ չի հաստատվել հաստատվել, սակայն իշխանական կուլիսներում նրան փոխարինողի անուն է շրջանառվում արդեն։

Տարածքային կառավարման նախարարի մամուլի խոսնակ Զոյա Բարսեղյանը մի քանի օր է հեռախոսազանգերին չի պատասխանում։ Ու թեեւ Արմեն Գևորգյանը դեռ նախօրեին աշխատանքի էր եւ պաշտոնական հանդիպումների, սակայն երեկվա նրա պաշտոնական գրաֆիկի մասին ոչինչ հայտնի չէ։ Կառավարության տեղեկատվության հետ կապերի վարչությունից երեկ սույն հրաժարականի վերաբերյալ հիշեցրել են ընդամենը, որ փոխվարչապետին նշանակում և ազատում է երկրի նախագահը։ Սերժ Սարգսյանի մամուլի խոսնակը մեր հեռախոսազանգերին չի պատասխանել։ Մինչ այդ, իշխանական կուլիսներում արդեն խոսվում է, որ Արմեն Գևորգյանին փոխվարչապետի պաշտոնում հնարավոր է փոխարինի կապի եւ տրանսպորտի նախարար Գագիկ Բեգլարյանը։ Բեգլարյանի մամուլի խոսնակ Անժելա Մարտիրոսյանը հնարավոր այս նշանակման վերաբերյալ մեր թղթակցին փոխանցել է հետեւյալը. «Ես նման տեղեկատվության չեմ տիրապետում, չկա նման բան»։

Մանրամասները՝ թերթի այսօրվա համարում