Գագիկ Մինասյանը` էլետրաէներգիայի գնի բարձրացման մասին

Ազգային ժողովի արտահերթ նիստի ընթացքում ձայների 63 կողմ, 32 դեմ եւ 2 ձեռնպահ հարաբերակցությամբ առաջին ընթերցմամբ ընդունեց "Պետական պարտքի մասին" օրենքում փոփոխություններ կատարելու մասին օրինագիծը:
Նշենք, որ օրենքի նախագծով առաջարկվում է "Պետական պարտքի մասին" օրենքում "պետական պարտք" արտահայտությունը փոխել "կառավարության պարտք"-ով: "Պետական պարտքի" մասին գործող օրենքի համաձայն` ՀՀ պետական պարտքը չի կարող գերազանցել ՀՆԱ-ի 60 տոկոսը, իսկ եթե գերազանցի ՀՆԱ-ի 50 տոկոսը, ապա հաջորդ տարի բյուջեի դեֆիցիտը պետք է 3 տոկոսից քիչ լինի:
Քննադատները պնդում են, որ օրենքի փոփոխություններն արվում են, որպեսզի Հայաստանը կարողանա արտաքին նոր պարտքեր ներգրավել, իսկ, որոշ տնտեսագետներ էլ ահազանգում են, որ մեր երկիրն արդեն իսկ "տրորել է վտանգավորության շեմը":
Վերոնշյալի հետ կապված, ինչպես նաեւ արտահերթ նիստի ընթացքում կրկին ոչ պակաս քննադատության ենթարկած առաջին ընթերցմամբ անցած "Ակցիզայի հարկի մասին" օրենքի, եւ էլեկտրաէներգիայի սակագնի բարձրացման հնարավոր հետեւանքների մասին, Fnews.am-ը  զրուցեց  ԱԺ ՀՀԿ խմբակցության պատգամավոր, Ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանի հետ:
- Նախ սկսենք նրանից, որ արտահերթ նստաշրջանի սկսելուն պես, որոշ պատգամավորներ դժգոհում եւ շարունակում են դգոհել, որ շատ կարեւոր օրենսդրական նախաձեռնություններ են բերվել ԱԺ, որոնց սակայն, պատգամավոները չեն հասցրել կարգին ծանոթանալ: Ի՞նչ կասեք այդ առումով:
- Ես միայն մեր հանձնաժողովի մասով կասեմ, որ հանձնաժողովը մանրամասն քննարկել է այն բոլոր օրենքի նախագծերը, որոնք վերաբերում են ֆինանսավարկային հանձնաժողովին եւ բոլոր նախագծերին տվել ենք դրական եզրակացություն: Դրանք վարկային մի քանի համաձայնագրեր են եւ "Պետական պարտքի" մասին օրենքի նախագիծը:
-Անդրադառնալով "Պետական պարտքի" մասին օրենքին, որոշ տնտեսագետներ ահազանգում են, որ արտաքին պարտքի հետ կապված Հայաստանը արդեն իսկ անցնում է թույատրելիի սահմանը, դուք, որպես ֆինանսական հանձնաժողովի նախագահ, կասեք, ՀՀ պետական պարտքը այսօրվա դրությամբ որքանո՞վ է անհանգստացնող:
-Գործող օրենքում երկու շեմ կա, առաջինը ՀՆԱ-ի 50 տոկոսն է, եւ երկրորդը ՀՆԱ-ի 60 տոկոսը, այսօր, մենք, իհարկե, այդ թույատրելիի ցուցանիշները չենք անցել: Իսկ "Պետական պարտքի մասին" օրենքում փոփոխություններ կատարելու մասին օրինագծով, որն առաջին ընթերցմամբ անցավ, մեր օրենքը համահունչ է դառնում ԵՏՄ-ի օրենսդրությանը, որտեղ սահմանափակումը դրվում է ոչ թե պետական պարտքի վրա, այլ կառավարության ներգրավված պարտքի վրա: Այսինքն, պետական պարտքը բացի կառավարության ներգրավված պարտքերից նաեւ Կենտրոնական բանկի պարտքն է: Հիմա, այսօր եւ կառավրության ներգրավված պարտք եւ դրան գումարած ԿԲ-ի պարտքը, ավելի փոքր են, քան մեր ՀՆԱ-ի 50, առավելեւս 60 տոկոսը:
-Պարոն Մինասյան "Ակցիզային հարկի մասին" օրենքը բավական քննադատությունների ենթարկվեց նաեւ մեծամասնության պատգամավորների կողմից, սակայն այնումամենայնիվ առաջին ընթերցմամբ անցավ, ինչո՞ւ:
-Ցանկացած օրենքի վրա, որպեսզի լուրջ եւ խորը աշխատանք կատարվի նախ պետք է, որպես օրենքի նախագիծ արդեն գոյություն ունենա: Եվ ես կարծում եմ, որ ընդունվեց ճիշտ որոշում` օրենքն ընդունվեց առաջին ընթերցմամբ եւ արդեն այն բոլոր պատգամավոները, որոնք օրենքի հետ կապված վերապահումներ ունեին, հնարավորություն ունեն կառավարության ներկայցուցիչների հետ արդեն առաջին ընթերցմամբ ընդունված օրենքի վրա մինչեւ աշնանային նստաշրջան լուրջ աշխատանքներ կատարել եւ գալ այնպիսի լուծումների, որոնք հնարավորինս արդյունավետ կլինեն ստեղծված իրավիճակում: