«Ժիրինովսկին» ՝ ԲՀԿ նախագահ

lakmoes.am-ը գրում է.Հայկական արտադրության ՛՛Հայելի՛՛ մուլտֆիլմում ԲՀԿ-ի վերջին իրադարձություններին նմանվող մի իրավիճակ կա: Առաջին անգամ կենցաղային օգտագործման հայելի տեսած, այդ հայելու մեջ առաջին անգամ իրենց դեմքը տեսած ու վախեցած, իրականում իրենց կերպարը բնորոշած, բայց միամտաբար հայելուն վերագրած կաշառակերները, խաբեբաները միամիտ հովվին հրում են դեպի հայելին. թե՝ գնա տես էդ ինչ ՛՛մարդակեր վայրենի գազան ա՛՛... Իսկ երբ հովիվը չի ուզում՝ գնալ, ասում են՝ դե գնա՛, էլի՜...

ԲՀԿ՝ արդեն նախկին կուսակցապետ Գագիկ Ծառուկյանը հենց այդ հովվի կարգավիճակում էր, իսկ նրան ՛՛դրդողները կամ բռթողները՛՛՝ ոչ անհայտ Ռոբերտ Քոչարյանն ու ԲՀԿ-ի ՛՛Ժիրինովսկի՛՛ Նաիրա Զոհրաբյանը. այն, ինչ մինչև վերջերս՝ փետրվարի 11-ը, չէր համարձակվում ասել Գագիկ Ծառուկյանը, ասում էր Նաիրա Զոհրաբյանը: Բայց նրանք կուսակցապետին մի քիչ այլ կերպ էին ՛՛դրդում՛՛՝ ՛՛գնա կպի՝ տփենք, կպի՝ տփենք...՛՛: Էնքան ասեցին ու հանրահավաքի դրդեցին՝ մինչև իշխանությունը Ծառուկյանին բռնեց... իմացաք՝ ինչ արեց, ՛՛Ժիրինովսկին՛՛ էլ դարձավ կուսակցապետ /Ես էլ մինչև հիմա կարծում էի, թե Սերժ Սարգսյանը ՛՛շախմատ՛՛ խաղալ չգիտի.../:

Այստեղ մի անեկդոտ հիշեցի. մարդը 9-րդ հարկից վայր է ընկնում ու ողջ մնում, իսկ երբ լրագրողներն անհամբերությամբ հարցնում են, թե ինչը դրդեց կամ հանուն ինչի նա նետվեց ներքև, մարդը պատասխանում է. ՛՛դրդել-մրդել չգիտեմ, բռթողի...իմացաք՛՛:

Հիմա, երբ ԲՀԿ նորաթուխ կուսակցապետ Նաիրա Զոհրաբյան-Ժիրինովսկին հայտարարում է, թե իր կուսակցությունը ընդդիմություն է, նոր անեկդոտի թեմա է բացվում, բայց մենք առայժմ կսահմանափակվենք մի ասացվածքի ձևափոխմամբ՝ ՛՛Խնամուս խնամին իմ բարեկամն է՛՛. ՛՛Ժիրինովսկու՛՛ դուստրը ՀՀԿ-ական կարկառուն ներկայացուցիչ Գալուստ Սահակյանի որդու աներոջ ձագի կինն է:

շարունակությունը` սկզբնաղբյուրում: