"Գիտխորհրդային բեսպրեդելը" Շիրակի պետհամալսարանում

Շիրակի պետհամալսարանում շարունակվում են զավեշտալի իրադարձությունները, որոնք հրահրում են բուհի նախկին ռեկտոր Սահակ Մինասյանի ֆան-ակումբի ներկայացուցիչները և նրանց հարող որոշ անձինք, ովքեր մայիսի 17-ին տեղի ունեցած գիտական խորհդի նիստում գերակտիվություն էին դրսևորել և ընդդիմացել էին հոգաբարձուների խորհդին, որը դեռ անցյալ տարվա հոկտեմբերի 6-ի իր նիստին, հաշվի առնելով այն հանգամանքը, որ ՇՊՀ-ի գիտական խորհրդի կազմը չի բխում բուհի կանոնադրության պահանջներից և ոչ լեգիտիմ է, ընդունեց ի գիտություն այդ փաստը և առաջարկեց գիտական խորհրդին աշխատանքային խումբ ձևավորել՝ հակասող դրույթները վերանայելու և դրանք շտկելու համար... 
Աշխատանքային խմբի առաջարկները 2019 թ-ի մարտի 19-ին հոգաբարձուների խորհուրդը հաստատեց և այն ուղարկվեց պետռեգիստր, որն արդեն հաստատվել է 2019 թ-ի ապրիլի 19-ին (http://shsu.am/media/pdf/ShSU-kanonadrutyun-popoxvac-2.pdf )... 
ՇՊՀ-ի ռեկտորի ԺՊ-ն պետք է, ըստ այդմ, լուծարեր բուհի գիտխորհուրդը և կանոնադրության մեջ կատարված փոփոխությունների համաձայն,նոր գիտխորհուրդ կազմավորելու աշխատանքներ սկսեր... Սակայն մայիսի 17-ին ՇՊՀ-ի նախկին ռեկտորի կողմից ձևավորված ոչ լեգիտիմ գիտխորհրդի որոշ անդամներ ոչ միայն ընդդիմացել են և ապացույցներ են պահանջել, որ գիտխորհուրդը անօրինական է, այլև հայտարարել են, որ իրենք ընտրված են 5 տարով...
ՇՊՀ-ի գիտխորհրդի անօրինականության մասին առաջին անգամ բարձրաձայնել ենք 2017 թ-ի հոկտեմբերին, իսկ 2018 թ-ի հոկտեմբերին հոգաբարձուների խորհրդի քննարկման ժամանակ այն հաստատվել է նաև ՀԽ նախագահ Լևոն Բարսեղյանի ուսումնասիրությունների արդյունքում ( տե՛ս http://www.asparez.am/shph-gitakan-hogabardzuneri-hy/… )...Ավելին,գիտխորհրդի անդամները պետք է գիտենան,որ ՇՊՀ-ի Կանոնադրության 3-րդ կետի համաձայն,այն իր գործունեությունը (http://shsu.am/media/pdf/SHSU_kanonadrutyun.pdf) պարտավոր է իրականացնել Համալսարանի կանոնադրությանը համապատասխան,որն արդեն հաստատված է Պետռեգիստրի կողմից և քննարկման ենթակա չէ... Չի կարող որևէ ներքին իրավական ակտ կամ ռեկտորի որևէ հրաման, ավելի գերակա ուժ ունենալ,քան Համալսարանի կանոնադրությունն է...Այս պահից սկսած ՖԱԿՈՒԼՏԵՏԱՅԻՆ, ԳԻՏԱԿԱՆ ԵՎ ՀՈԳԱԲԱՐՁՈՒՆԵՐԻ ԽՈՐՀՈՒՐԴՆԵՐԸ ՉԵՆ ԳՈՐԾՈՒՄ ԿԱՆՈՆԱԴՐՈՒԹՅԱՆԸ ՀԱՄԱՊԱՏԱՍԽԱՆ ԵՎ ՑԱՆԿԱՑԱԾ ՈՐՈՇՈՒՄ ՀԱՄԱՐՎՈՒՄ Է ՈՉ ԻՐԱՎԱՉԱՓ,եթե կանոնադրոթյանը համապատասխան նոր ֆակուլտետային,գիտական խորհուրդներ,ինչպես նաև բուհի 12 հոգաբարձուների անդամների նոր ընրություններ չկատարվեն...
Հետաքրքիր է, Սահակ Մինասյանի ֆան-ակումբի որոշ ներկայացուցիչների և դրանց հարողների համար էլ ի՞նչ ապացույցներ են պետք... Կամ երբ այդ հարցը քննարկվում էր ՀԽ նիստում, որտե՞ղ էին ներկայիս ոչ լեգիտիմ գիտխորհրդի պաշտպանները... 
Բացի այդ,այն փաստը, որ բուհի ԳԽ-ն ոչ լեգիտիմ է, մեխանիկորեն մի կողմ է նետում դրա 5 տարով ընտրված լինելը...1990-ականների կեսերին նույն բուհի 5 տարով ձևավորված ԳԽ-ն դասախոսներից մեկի ջանքերի շնորհիվ ցրվեց, քանի որ կազմվել էր խախտումներով և միայն այդ հանգամանքը պատճառ դարձավ, որ ԿԳՆ-ն այն ցրի... Խախտումներով ձևավորված համալսարանի ԳԽ-ն իրավունք չունի 5 տարի աշխատել՝ արհամարհելով բուհի կանոնադրության պահանջները...
Սահակ Մինասյանի ֆան-ակումբի անտրամաբանական աղմուկը գիտխորհրդի շուրջ պայմանավորված է այն հանգամանքով, որ նոր գիտխորհրդի ձևավորումից հետո դադարեցվելու են նաև բուհի դասախոսական անձնակազմի 6 ներկայացուցիչների լիազորությունները հոգաբարձուների խորհրդում, քանի որ վերջիններս ևս բազմաթիվ խախտումներով են ընտրված (տե՛սhttp://araratnews.am/koch-shph-i-hogabardzuneri-xorhrdi-n…/… )... Իսկ քանի որ այդ 6-ն էլ ներկայացնում են Սահակ Մինասյանի շահերը ՀԽ-ում, ինքնըստինքյան, չեն ցանկանում կորցնել իրենց ազդեցությունը և կարևորությունն իրենց առաջնորդի համար...
Զարմանալի է, որ ռեկտորի ԺՊ-ն ընդհանրապես այս հարցը քննարկել է և թույլ է տվել, որ որոշ անձինք իրենց անձնական շահերը վեր դասեն և, անտեսելով հաստատված կանոնադրությունը, իրենց "կապրիզներն" են առաջ տանում...
Հ.Գ. ՇՊՀ-ի ոչ լեգիտիմ գիտական խորհրդի անդամներին խորհուրդ կտայի նույնաբովանդակ ակտիվություն դրսևորել այն ժամանակ, երբ ԿԳ նախարար Լևոն Մկրտչյանն իրենց ընդունած որոշումները բնութագրում էր "հիմար" և "ապուշ" և ոտքի վրա չեղարկում էր այդ "ինտելեկտուալ մեծ կարողություններ" ունեցող գիտական խորհրդի տասնյակից ավել ընդունած որոշումները, որոնք հակասում էին ՀՀ Բարձրագույն և հետբուհական կրթության մասին օրենքի, Աշխատանքային օրենսգրքի բազմաթիվ կետերին, ինչպես նաև ներքին իրավական բազմաթիվ ակտերին...

ԳԱԳԻԿ  ՀԱՄԲԱՐՅԱՆ