Գնդապետ Մարգարյանը սրբագրում է «Հակակրիմինալ»-ի «սեւ ցուցակը». ովքե՞ր են ցուցակում

«Հրապարակ» թերթը գրում է. «Հայրենիք եւ պատիվ» կուսակցության նախագահ Գառնիկ Մարգարյանը, որը ներկայում ամբաստանյալի կարգավիճակում է Արթուր Վարդանյանի եւ նրա խմբի գործով, կալանավայրից ուշի ուշով հետեւում է ՀՀ կառավարության հակակոռուպցիոն պայքարին:

5 տարի առաջ նա հիմնել էր «Հակակրիմինալ» հասարակական շարժումը եւ հայտարարում էր, որ նպատակ ունի «մաքրել խանական համակարգը կոռուպցիայից»: Նույնիսկ կոռումպացված պաշտոնյաների «սեւ ցուցակ» էր կազմել, որը գլխավորում էին Ռոբերտ Քոչարյանը, Սերժ Սարգսյանը, Հովիկ Աբրահամյանը: Ցուցակը երկար էր:

Գնդապետ Մարգարյանն իր ասուլիսների ժամանակ ամեն անգամ մի նոր անուն էր հրապարակում եւ ներկայացնում տվյալ անձի ունեցվածքի չափը, նրա կապերը քրեական աշխարհի հետ, հայտարարում, որ հասնելու է եվրոպական կառույցներին ու դրանց միջոցով հետ է բերելու կոռումպացված իշխանավորների թալանածը:

Այժմ իրավապահների ամեն նոր հակակոռուպցիոն «միջոցառումից», որեւէ կոռումպացված դատավորի, դատախազի կամ այլ պաշտոնատար անձի ձերբակալումից հետո նա հանում է իր ցուցակը, գրում-ջնջում՝ վստահեցնելով, որ տվյալ անձը ժամանակին ներառված է եղել «Հակակրիմինալի» իր ցանկում»:

Առավել մանրամասն՝ թերթի այսօրվա համարում