Գոռ Ղլեչյանը պարզաբանում է

Պաշտպան Ինեսա Պետրոսյանն ահազանգում է, որ իր պաշտպանյալներից կալանավոր Վաղինակ Հովհաննիսյանը առողջական խնդիրներ ուն, սակայն նրան համապաատասխան բուժօգնությունը չեն ցուցաբերում: Fnews.am-ը փորձեց ՔԿՀ-ից պարզաբանում սատնալ, թե ի՞նչն է պատճառը, եւ ինչո՞ւ համապատասխան օգնությունը չեն ցուցաբերում դատապարտյալին: Արդարադատության նախարարության քրեակատարողական հիմնարկների վարչության հասարակայնության հետ կապերի պատասխանատու Գոռ Ղլեչյանը, մեզ հետ զրույցում տեղեկացրեց.

-Ծայրահեղ վատ վիճակում գտնվող ամբաստանյալին կաթիլային են միացնում հենց խցում, նույնիսկ չեն տեղափոխում հիվանդասենյակ. «Պաշտպանն ահազանգում է» վերտառությամբ հրապարակման առնչությամբ հարկ է պարզաբանել, որ 12.11.15թ կեսօրին ՀՀ ԱՆ «Նուբարաշեն» ՔԿՀ կալանավորված անձ Վաղինակ Հովհաննիսյանը դիմել է հիմնարկի հարկաբաժնի բժշկին` գանգատվելով առողջության վատթարացումից: Անցկացված համապատասխան զննությամբ արձանագրվել է արյան ճնշման` նորմայից բարձրացում (160/80սս), նշանակվել է ներերակային կաթիլային ներարկում (պիրացետամ), ինչից հետո արյան ճնշումը կարգավորվել է:
Նույն օրը` ժամը 18.00-ի սահմաններում, Վաղինակ Հովհաննիսյանը կրկին գանգատվել է լարվածությունից և անհանգստության զգացումից: Համալիր հետազոտություն անցկացնելու նպատակով հիվանդին զննել են թերապևտը, սրտաբանը, հոգեբույժը և ՀՀ ԱՆ «Նուբարաշեն» ՔԿ հիմնարկի բժշկական սպասարկման բաժնի պետ, նյարդաբան Գ. Հարությունյանը: Արդյունքում հերքվել է « ուղեղի արյան շրջանառության»
սուր խանգարում ախտորոշումը (արյան ճնշումը`120/80) , և նշանակվել է սիմպտոմատիկ բուժում:
Հաջորդ օրը` 13.11.15թ, ևս մեկ նեղ մասնագիտական խոհրդատվություն անցկացնելու նպատակով հիմնարկ է հրավիրվել ՀՀ ԱՆ «Դատապարտյալների հիվանդանոց » ՔԿՀ ֆունկցիոնալ ախտորոշման բաժանմունքի պետ, նյարդաբան Ա. Ավագյանը, որը համապատասխան զննություն կատարելուց հետո ևս հերքել է«ուղեղի արյան շրջանառության» սուր խանգարում ախտորոշումը:
ՀՀ ԱՆ «Նուբարաշեն» ՔԿՀ կալանավորված անձ Վաղինակ Հովհաննիսյանը ներկայումս գտնվում է բժշկական անձնակազմի դինամիկ հսկողության տակ և ստանում է հոգեբույժի կողմից նշանակված համապատասխան բուժում: