Ժոռան կդառնար 22 տարեկան

Ժոռան  09.08.2018 կդառնար 22 տարեկան: Հայրենի գյուղում՝ Մասիսի շրջանի Դարբնիկում, Ժոռայի հիշատակին նվիրված հուշահամալիրն այսօր մարդաշատ էր: Հավաքվել էին նրա բարեկամներն ու ընկերները, հերոսներ՝ Բագրատ Ալեքսանյանի, Տիգրան Բերակչյանի, Հենրիկ Ղահրամանյանի ծնողները, մարզային ղեկավար մարմինների ներկայացուցիչներ, դպրոցի ուսուցչաաշակերտական անձնակազմը, ՀՀ 1-ին գնդի հրամանատար՝ գեներալ մայոր Վաչագան Չիբուխչյանն ու ու նրա խոհրդական գնդապետ՝ Մայիս Ազնավուրյանը: Ողջույնի խոսքով հանդես եկան, մարզպետի խորհրդական՝ Տիգրան Պարսիլյանը, դպրոցի տնօրեն՝ Նելլի Զիրոյանը, << Մայր Մանե>> ՀԿ նախագահ՝ Մանուշակ Ստեփանյանը, 1-ին գնդի հրամանատար՝ գեներալ-մայոր Վ. Չիբուխչյանը, ով Ժոռա Եսայանին հետմահու պարգևատրեց 1-ին գունդ մեդալով, երգիչ՝ Սերոբ Գրիգորյանի կողմից հնչեց Ժոռա Եսայանի հիշատակին նվիված երգը, որը գրվել էր նրա ըկերոջ՝ Սմբատ Արայանցի կողմից, իրենց հոգու խոսքն ու երգն ասացին սարդարապատցի
8-ամյա Մարիամիկ Մելքոնյանը, ով կարդաց իր մայրիկի՝ Անահիտ Ազիզյանի ստեղծագործությունները և երգիչ՝ Հովհաննես Սարդարյանը: Անուհետև մեր խոնարհումը տարանք Ժոռայի պանթեոն: Այո, հերոսներն անմահ են և նրանց ապրեցնում են սերուՆդները:

Արշակ Դաբաղյանի անվան Մայր Մանե ՍՀԿ