Գուրգեն Եղիազարյանը`երրորդ մասցի Լյովիկի սպանության ու ՀՀ վարչապետ Հովիկ Աբրահամյանի մասին....

Գյումրիում ֆայտոն շուռ գա`հաստատ վարչապետը մեղավոր կլինի

«Երրորդմասցի Լյովիկի ընկերոջ հետ օրերս կատարված դեպքը կարծում եմ անմիջական առնչություն ունի մարտի 4-ին Նուբարաշենի մոտ տեղի ունեցած սպանությունների հետ: Ըստ իս` հնարավոր է, որ նա տիրապետում էր այնպիսի մի տեղեկության, որը կապ ունի Լյովիկի սպանության հետ: Չնայած միանանշանակ ասել չեմ կարող. ամեն դեպքում այդ դեպքը կօգնի իրավապահներին այդ գործի բացահայտմանը, քանի որ դա բացահայտման ուղղու ճանապարհներից մեկը կարող է լինել»,- թե ինչ կապ կարող է ունենալ օրեր առաջ հրազենային վիրավորում ստացած Երրոդմասցի Լյովիկի ընկեր Վարդան հետ կատարված դեպքը, մարտի 4-ին «Նուբարաշեն» ՔԿՀ-ի մոտ սպանված քրեական հեղինակություն Երրորդմասցի Լյովիկի եւ նրա մտերիմների սպանության հետ, Fnews.am-ի զրույցում ԱԱԾ պետի նախկին տեղակալ Գուրգեն Եղիազարյանը:

-Կան վարկածներ, որ վերոնշյալ գործով կալանավորված հայտնի մականուններով Ծգլը, Տլեն եւ Գաստրիկը, ամենեւին էլ սպանությունը կատարողները չեն կամ եթե նույնիսկ իրենք են կրակել, ապա պարզապես պատվեր են կատարել: Դուք կիսո՞ւմ եք այդ վարկածը:

-Որպեսզի ես այդ սպանության վերաբերյալ նման տեսակետ ունենամ, պետք է ծանոթանամ գործի նյութերին, սակայն այս պահին նման տեղեկատվության չեմ տիրապետում, ուստի կոնկրետ վարկածներ էլ առաջ քաշել չեմ կարող:
-Պարոն Եղիազարյան հայտնի է, որ քրեական հեղինակություն համարվող երրոդմասցի Լյովիկը վարչապետի մտերիմ շրջապատից էր…Եւ որ այս դեպքերի շարունակությունը հնարավոր է ուղղված լինի դարձյալ նրա ու նրա մերձավոր  շրջապատի դեմ: 
-Ես արդեն առիթ ունեցել եմ ասելու, բայց նորից կասեմ` եթե Գյումրիում այսօր ֆայտոն շուռ գա, հաստատ վարչապետը մեղավոր կլինի:
Չեմ գտնում, որ Հովիկ Աբրահամյանի դիրքերը պետք է ամուր լինի կամ թուլանա հանցագործ աշխարհի այս կամ այն դեպքի հետ կապված: 
-Իսկ, ինչո՞վ եք պայմանավորում, առհասարակ, վերջին շրջանում քրեական տարրերի ակտիվացումը:
-Քրեական տարրերը, բացի Ջոն Պրեսկոդից, բոլորին հայտնի է, որ սպասվող ընտրություններից առաջ, ակտիվանում են,  եւ  ես դա օրինաչափ եմ համարում:

Տաթեւիկ  Աբրահամյան