«Գյուղացուն չլում են, սատկացնում են.սուտ ա, սուտ ա, բերքը մնացել ա դաշտերը».PHOTO,VIDEO

Արարատի մարզի Այգեստան գյուղում մոտ 1000 տոննայի հասնող չմթերված խաղող կա։ Fnews.am-ը այս մասին տեղեկացավ Արարատի մարզի Պռոշյանի կոնյակի գործարանի հարեւանությամբ հավաքված խաղողագործներից, ովքեր ցավով բարձրաձայնեցին, որ կրակն են ընկել իրենց աճեցրած բերքի ձեռքը: Հավաքվածներից շատերը կրկին դժգոհեցին այն փաստից, որ չնայած խոստումներին` իրենց խաղողը գործարանները չեն ընդունում։ Գյուղացիները պնդում են, որ գործարանները հրաժարվել են խաղող մթերել, եւ որ արդեն ամենացավալին է, երբ բարձրաձայնում են այդ մասին, չգիտեն թե հաջորդ օրը գլխներին ինչ կգա:
«Մեր բերքը չի մթերվում, խաղող չեն մթերում, ավելի ճիշտ որևէ բան չեն մթերում։ Ինչի՞ պետք է ես իմ բերքը տանեմ թափեմ, երբ էս հարցերը կարող են կարգավորել և մեզ խնդրի առաջ չկանգնեցնել: Էլ ինչի համար ենք էսքան տանջվել, որ էսօր առնենք լացենք մեր բերքի վրա»,-ասաց հավաքվածներից մեկը:

Հ. Գ

Հետաքրքիր է. ազգիս պատկան մարմիններն ու ամպագորգոռ հայտարարություններ անողները ի՞նչ էին մտածում, երբ գլուխ էին գովում, թե դաշտում խաղող չի մնա: Ամոթ չլինի հարցնելը. էդ ո՞ւմ «ուսերով» էին վարչապետ Աբրահամյանը, Աստծու օրհնությանը ապավինած ազգիս գյուղնախարար Սերգո Կարապետյանը հայտարարում, թե մենք գյուղացու կողքին ենք, եւ որ ամենակարող կառավարությունն անելու է հնարավորը, որպեսզի գյուղացիների բերքը մթերվի:
Արգամի'չ, բա ասում էիր. «դաշտը խաղող չի մնա՞», բայց ոնց որ մնում ա հը՞: Թե՞ հերթական անգամ խեղճ ու կրակ գյուղացուն որոշել եք մատերի վրա խաղացնել այնքան ժամանակ, մինչեւ որ հա՛մ բերքը կփչանա, հա՛մ էլ դուք գլխացավանքից կազատվեք ու հերթական անգամ ծյունինգ անելով կհայտարարեք, թե ուզում էինք ամեն ինչ լավ անել, բայց ստացվեց ինչպես միշտ:
Դե խաղող ա, օրերով մնաց մեքենաների մեջ քամվեց գնաց, գյուղացու բերքն էլ լցվեց ջուրը:
Վերջում էլ մի հատ մուննաթ կգաք, թե գյուղացու մատից փուշ հանեցիք, բայց ահա ձեր նման ազգասեր ու ժողովրդավար այրերին էս ժողովուրդը մեկ է՝ չի գնահատում ու չի մեծարում: Ձերոնցից բացի...
Ստեղ են ասել. «Սելի տեղը սելվորն ա ճռռում», ու գիտե՞ք խի, որովհետեւ էս երկրում խաղի ոչ ճիշտ  կանոններ թելադրողը դարձյալ դուք եք:

Թեմային առնչվող այլ մանրամասներ՝առաջարկվող տեսանյութերում: