Գյուղատնտեսության նախարությունն իր տեղում է, բայց երբեմն նաեւ թերի է աշխատում

ԱԺ  Գյուղատնտեսական  եւ  Բնապահպանական  հարցերի մշտական հանձնաժողովի համար դեռեւս հոկտեմբերի 30-ի Գյուղատնտեսության նախարարության հատկացրած բյուջեի քննարկման ժամանակ մի շարք հարցեր այդպես էլ անպատասխան էին մնացել: Մասնավորապես, որ  գյուղատնտեսության բնաավառին  տրամադրված  15  միլիարդ   665 միլիոն  դրամից,  գյուղնախարարը   ներկայացրեց  ընդամենը 7 միլարդի ծախսերը, որի անմիջական պատասխանատուն  ինքն էր, իսկ մնացած մոտ ութ միլիարդ դրամի մասով պատգամավորները այդպես էլ հնարավորություն  չունեցան  տեղեկություն  ստանալ, թե այդ գումարները ով է եւ ինչ նպատակներով է տնօրինելու: Պատգամավորները  իրենց  մտահոգող հարցերի պատասխանը երեկ ստացան  հրավիրված հանձնաժողովի  նիստին, որին մասնակցում էին Կառավարության աշխատակազմի ղեկավար Վաչե Գաբրիելյանը, ԾԻԳ-ի ղեկավարը եւ ֆիննանսական բաժնի պետը: Թե, որքանով է հաջողվել   պատգամավորներին  ստանալ  իրենց   մտահոգող հարցերի պատասխանը, Forums.am-ը զրուցեց ԱԺ ԲՀԿ-ական պատգամավոր, ԱԺ Գյուղատնտեսական եւ Բնապահպանական հարցերի մշտական հանձնաժողով նախագահ Մարտուն   Գրիգորյանի  հետ.

- Մեծ հաշվով մենք ստացանք մեր հարցերի պատասխանները, պատգամավորների մոտ կային առաջացած  որոշ հարցեր, որոնց պատասխաննեը կստանանք գրավոր: Գրավոր պատասխանները ստանալուց  հետո, եթե մեզ՝  պատգամավորներիս,  ինչ-որ բան չբավարարի լիագումար նիստի ժամանակ, պատգամավորները հնարավորություն կունենան բյուջեի քննարկման ժամանակ այդ հարցերը բարձրաձայնել: Արդյունքները պարզ կլինեն բյուջեի քննարկման ժամանակ: - Պարոն Գրիգորյան համեմատելով անցած տարվա հետ, ակնհայտ է, որ գյուղատնտեսության նախարարությունը, ինչպես, որ հարկն է չի աշխատում, Դուք այդպես չե՞ք կարծում: - Գյողատնտեսության նախարարությունը իր տեղում աշխատում է: Իհարկե կան խնդիրներ, որ գյուղատնտեսության նախարարությունը որոշակի ծրագրեր չի իրականացնում, նաեւ սննդի տեսչության հետ կապված խնդիր կա, որ այո, գյուղանտեսության նախարարությանն է ենթարկվում, բայց մեծ հաշվով Գյուղատնտեսության նախարաը հրաժարվում է սննդի տեսչության հետ կապված պատասխաններ տալ: Այս առումով,գյուղատնտեսության նախարարությունը ունի խնդիր, թերի է աշխատում, չի կարողանում ամբողջական այս խնդիրները կարգավորել: Բայց ընդհանուր առմամբ, այս պահի դրությամբ ես, որպես հանձնաժողովի նախագահ չեմ տեսնում: Գյուղատնտեսական ապրանքների նվազման առումով, կարող եմ հակառակը ասել, այս տարի աճել է հացահատիկի բերքը, ունեցել ենք խաղողի, լոլիկի, կարտոֆիլի, ծիրանի մեծ աճ:

Այն, որ Գյուղատնտեսության նախարարությանը հատկացրած գումարի մոտ ութ միլիարդը կառավարությունն է տնօրինելու Կառավարության աշխատակազմի ղեկավարը Վաչե Գաբրիելյանը մեզ հետ զրույցում ասաց.

- Դա վարկային միջոցների որոշակի մասն է, բայց ամբողջ հարցը հետեւյալն է.  այդ վարկային միջոցները  ամբողջությամբ  գնում են Գյուղատնտեսության ոլորտի զարգացմանը: Ծրագրի կառավարման մեջ շատ խորը կերպով ընդգրկված է Գյուղատնտեսության նախարությունը: Այս առումով    գործադիրի   տեսակետից   ես  որեւէ  խնդիր  չեմ   տեսնում:

Նոնա  Ադամյան