ՀԱԿ- ի թիրախում հիմա էլ Տարոն Մարգարյանն է

Չե՞ք ամաչում, էս ինչ եք անում...

Վերջին շրջանում ակտիվացել են Տարոն Մարգարյանի դեմ հրապարակումները, որոնք հղում են տալիս ՀԱԿ-ի կողմից արված ժամկետն անցած հրապարակումներին: 
Ինչո՞ւ հենց այս պահին ԶԼՄ-ները հիշեցին Տարոն Մարգարյանի միլիոնների մասին: 
Այն, որ ԲՀԿ-ի քանդման գործում ՀԱԿ-ը՝ մասնավորապես Լևոն Տեր-Պետրոսյանը բավականին լուրջ դերակատարում ունեցավ, փաստ է: ԲՀԿ-ն, ինչպես գիտենք, երկար ժամանակ իշխանության համար աշխատող ընդդիմություն էր, և վերջինիս այսպես ասած լուծարումը հարված էր նաև իշխանությանը: 
ԲՀԿ-ին հեռացնելուց հետո ՀԱԿ-ն արդեն պետք է ձեռնամուխ լինի հենց ՀՀԿ-ին թուլացնելու գործընթացին: Ինչպես գիտենք՝ Երևան քաղաքը ՀՀԿ-ի համար ընտրությունների ժամանակ ձայներ ապահովող հիմնական կենտրոնն է: 
Չէ՞ որ ՀՀ բնակչության մի զգալի հատված ապրում է հենց Երևանում: Թե ինչպես է աշխատել Տարոն Մարգարյանն ընտրությունների ժամանակ գիտենք բոլորս՝ թե ԱԺ, թե նախագահական ընտրություններում արդյունքները միշտ գոհացնող են եղել, մի բան էլ ավել: 
Այժմ ՀԱԿ-ի խնդիրն է թուլացնել ՀՀԿ-ի ամենակարևոր հենակետը՝ Երևանը, որը, մեղմ ասած, ընտրությունների ժամանակ շատ լավ կերպով պահում է հենց Տարոն Մարգարյանը: 
Չեմ կարծում, որ ՀԱԿ-ի հիմք չունեցող հրապարակումները որևէ ազդեցություն կունենան Տարոն Մարգարյանի դիրքերի կայունության վրա, առավել ևս, որ նույն քաղաքապետարանի աշխատանքն էլ եթե չասենք գոհացնում է, ապա բավարարում է քաղաքացիների պահանջները, բայց վատ է, երբ անձնական քաղաքական շահերի համար սկսում են ցեխ շպրտել նորմալ աշխատող պաշտոնյաների վրա:
Լևոն Տեր-Պետրոսյանի գործելաոճը բոլորիս է ծանոթ և վաղուց:

Արևիկ Մուրադյան