Հակառակորդը ստանում է իրեն համարժեք պատասխան

Սահմանին տիրող իրավիճակի, ինչպես նաեւ թշնամու սադրիչ գործողությունների նպատակի մասին, Fnews.am-ը զրուցեց  ԼՂՀ նախագահի մամուլի խոսնակ ԴԱՎԻԹ ԲԱԲԱՅԱՆԻ հետ:

-Պարոն Բաբայան, ինչպիսի՞ն է այս պահին իրավիճակը սահմանին:
-Հակառակորդը շարունակում է իր սադրիչ գործողությունները, բայց, հավատացեք, ստանում է իրեն համարժեք պատասխան: Թշնամին չի կարողանում եւ չի էլ կարողանալու նախաձեռնությունը վերցնի իր ձեռքը: Իսկ ինչ վերաբերում է նրան, որ հունվար ամսից հակառակորդը էլ ավելի ակտիվացել, դա այսպես ասած խորհրդանշական է: Տոնական ամիս է մեզ համար, իսկ Ադրբեջանը միշտ էլ տոն օրերին փորձում է յուրովի "շնորհավորել" արցախցիների եւ հայության տոն օրերը: Հակառակորդը պարբերաբար սադրանքներին է ենթարկում սահմանները այն բանի համար, որպեսզի` Ալիեւը եւ իր կլանը արդարարանան սեփական ժողովրդի առջեւ: Նրանց պետք է իրենց ժողովրդի ուշադրությունը ցրել, որպեսզի չեզոքացնեն այս օրերին իրենց ժողովրդի պահանջները եւ դրանով ցույց տան, որ անկախ ամեն բանից իրենք աշխատում են իրենց ժողովրդի համար: Երբեմն հակառակորդը ստորաբար հայտարարում է, որ նախահարձակը եղել է հայկական կողմը, բայց դա էլ իր բացատրությունն ունի: Նրանք դա անում են նրա համար, որպեսզի ցույց տան միջազգային հանրությանը, որ մեղավորը ոչ թե իրենք են, այլ հայերը:
Բաբայանի խոսքով.
-Թշնամու հիմնական նպատակն այն է, որպեսզի ահաբեկեն ժողովրդին եւ սեփական ժողովրդին ցույց տան, որ իրենք ուժեղ են, սա է իրենց նպատակը: Բայց իհարկե մենք նրանց այդ սադրիչ գործողություններից երբեք ոչ ահաբեկվել ենք, ոչ էլ կահաբեկվենք, ընդհակառակը անելու այն ամենը ինչ անհրաժեշտ է` մեր անկախությունը եւ անվտանգությունը պաշտպանելու համար:

Նոնա Ադամյան