«Հակառուսական հեղափոխության» հավանականությունը Հայաստանում հավասար է զրոյի. Առավոտ (խմբագրական)

«Ռուսաստանյան «հայրենասիրական» լրատվամիջոցները շրջանառում են այն վարկածը, որ Գյումրիի ոճրագործությունները կազմակերխպել են ամերիկյան հատուկ ծառայությունները, որոնք այնուհետև սադրել են հայաստանցի «ֆաշիստներին», որ նրանք այստեղ «գունավոր հեղափոխություն» անեն: Տեսականորեն ոչինչ բացառված չէ, բայց եթե նման պնդումները ճիշտ են, ապա դա չափազանց բացասական ձևով է բնութագրում թիվ 102 ռազմաբազայում տիրող բարքերը. այնտեղ, ստացվում է, ներթափանցում են օտար լրտեսներ ու դրդում են զինծառայողներին սարսափելի ոճրագործության:

«Գունավոր [հակառուսական] հեղափոխության» հավանականությունը Հայաստանում հավասար է զրոյի: Իհարկե, տեսականորեն բացառված չէ, որ իշխանության մի մասը փորի իշխանության մյուս մասի տակը և ոչ առանց Մոսկվայի «դոբրոյի» հեղաշրջում իրականացնի, սակայն այդ մանր-մունր խարդավանքները ոչ մի կապ չունեն «գունավոր հեղափոխության» հետ՝ մոդիֆիկացված իշխանությունը նույն հավատարմությամբ ծառայելու է Կրեմլին:

Ռուսաստանյան քարոզիչների այս վարկածը հեռու է իրականությունից նաև այն պատճառով, որ Հայաստանում շատ քիչ են մարդիկ, ովքեր բացասական զգացմունքներ ունեն ռուս ժողովրդի հանդեպ կամ կարծում են, որ մենք Ռուսաստանի հետ չպիտի դաշնակիցներ լինենք: Փոխարենն ավելանում են մարդիկ, որոնք տեսնում են, որ մեր դաշնակիցն ու բարեկամը, Պուտինի վարած ոչ հեռատես քաղաքականության պատճառով, թուլանում է:

Գումարած դրան Ռուսաստանի տնտեսական և արտաքին քաղաքական ահռելի դժվարություններց, ու պատկերը կամբողջանա: Այնպես որ՝ ռուսական զորքը մեզ չի կարողանա պաշտպանել ոչ թե այն պատճառով, որ մեր նկատմամբ վատ է տրամադրված, այլ որովհետև, շատ հավանական է՝ չի կարողանա դա անել: Պահանջել, որ ռազմաբազան Հայաստանից հեռանա՝ քաղաքական առումով անմտություն է: Բայց այդ զորքը կարող է «իր նախաձեռնությամբ» հեռանալ՝ մասնավորապես, տնտեսական պատճառներով: Դրան պետո է պատրաստ լինել:

Արամ Աբրահամյան

Ամբողջությամբ՝ թերթի այսօրվա համարում։