Համաշխարհային բանկը որոշել է 55 միլիոն դոլարի վարկ տրամադրել Հայաստանին

Համաշխարհային բանկի տնօրենների գործադիր խորհուրդը հաստատել է Հայաստանին 55 միլիոն դոլարի վարկ տրամադրելու առաջարկը՝ երկրի տնտեսության ու ենթակառույցների զարգացման ծրագրի համար։ Նպատակը զբոսաշրջության ոլորտում ներդրումների միջոցով Հայաստանում ենթակառույցների ծառայությունները զարգացնելն է։ "Երկրի տարածքում զբոսաշրջության կենտրոնների ու տեսարժան վայրերի զարգացումը Հայաստանի բնությունը ու մշակութային ժառանգությունը բարելավելու Հայաստանի կառավարության նպատակներից է", ասված է Համաշխարհային բանկի հայտարարության մեջ։

Համաշխարհային բանկը 2Օ14 թվականին օգնել էր Հայաստանի կառավարությանը գնահատելու տարածաշրջանային զարգացման անհամաչափությունները եւ հնարավորությունները եւ երկրի Հարավային միջանցքի համար նախապատրաստել Զբոսաշրջության ռազմավարություն։

՝՝Ինչպես ամբողջ աշխարհում փորձն է ցույց տվել, ռազմավարական զգուշավոր ծրագրումը ու հասարակական չափավոր ներդրումները, զբոսաշրջությունը կարող են վճռական աղբյուր հանդիսանալ տնտեսության զարգացման ու աշխատատեղերի աճի համար՛՛, ասել է Համաշխարհային բանկի Հայաստանի հարցերով պատասխանատու Լորա Բեյլին

Ինչպես Համաշխարհային բանկի կողմից հրապարակված հայտարարության մեջ է ասված, պատմամշակութային իր մոտ 4ՕՕՕ կոթողներով, սկսած նախապատմական ժամանակաշրջանից մինչեւ հելենիստական ժամանակաշրջանն ու վաղ քրիստոնեությունը, Հայաստանը հաճախ անվանում են "թանգարան բաց երկնքի տակ"։ Եվ զբոսաշրջության բնագավառում իրականացվելիք նախագծերը մեծապես կնպաստեն երկրի հարավային երեք մարզերի՝ Արարատի, Վայոց Ձորի ու Սյունիքի եւ հյուսիսայի երկու մարզերի՝ Կոտայքի ու Լոռու բնակիչներին, զբոսաշրջությանը եւ ձեռնարկությունների զարգացմանը։ Ըստ նախագծի, վերականգնվելու են հասարակական ենթակառույցները, կառույցների արտաքին տեսքն ու տանիքները, թանգարանները, դեպի տեսարժան վայրեր տանող  ճանապարհները, փողոցների լուսավորությունը, սանիտարական հանգույցները։

Առաջին բաղադրիչը, որը կրում է Ժառանգության հանգույցի վերածնունդ անվանումը, ֆինանսավորելու է Գորիս ու Մեղրի քաղաքներում, ինչպես նաեւ Արենի, Տաթեւ եւ Տանձատապ գյուղերում իրականացվելիք գործունեությունը։ Այն նաեւ ֆինանսավորելու է պատմամշակութային ժառանգության պահպանման աշխատանքները Գառնիում, Գեղարդում, Դվինի թանգարանաում, Արենիի շուկայատեղիում ու քարանձավում, Մոզվրովի քարանձավում, Զորաց քարերում, Խնձորեսկում ու ՅՈՒՆԵՍԿՕ-ի ցանկում գրանցված Հաղպատում ու Սանահինում։

Ամերիկայի ձայն