Հանդիպել են մեծահարուստներով...

Խոսում են...

Պտտվող լուրերի համաձայն, բոլորովին վերջերս, Մոսկվայում գտնվող հայտնի «Արարատ Հայաթում» բավականին լուրջ բիզնես-քաղաքական քննարկում է եղել մի սեղանի շուրջ, որին ներկա են եղել ալամ-աշխարհի հայերի միության նախագահ Արա Աբրահամյանը, «Տաշիր Գրուպի» նախագահ Սամվել Կարապետյանը՝ Կալուգայի Սամվելը, Երեւանի նախկին քաղաքապետ Կարեն Կարապետյանը`Գազի Կարենը եւ մի քանի այլ ծագումով արցախցի գործարարներ:
Հանդիպման ընթացքում տարբեր տրամաչափի մեծահարուստները քննարկել են ՀՀ-ում տիրող ներքաղաքական վիճակի, ինչպես նաեւ քաղաքական եռյակի զարկ տված գործունեության մասին, կարծիք հայտնելով, որ հետագայում ով ինչ հեռահար նպատակ էլ ունենա, կարեւորը` իրենց պես հայրենասեր մնա ու գիտակցի, որ երջանկությունը միայն հարստության ու ամբիացիաների մեջ չեն.կարեւորը ճիշտ ապրելն ու լավ անուն թողնելն է:
Իսկ որ ամենազարմանալին չէ, ըստ նույն լուրերի, ՌՀՄ նախագահ Արա Աբրահամյանը, այդ հանդիպման ընթացքում հասցրել է մի լավ պարծենալ, որ անկախ ամեն ինչից իր բիզնեսները այս տարի ծաղկում են, եւ հնարավոր է, որ ՌԴ-ի տարածքում նա գերժամանակակից սպորտկոմպլեքսներ կառուցի, ուր կարող են հավաքվել աշխարհի սպորտսմենները: Էստեղ են ասել.աշխարհն աշխարհով.Արշավիրովիչը`իր բիզնեսներով:
Ի դեպ, ժամանակին էլ, Արա Աբրահամյանը մեծ ճիգեր էր գործադրում նախկին ԱԱԾ պետ Կառլոս Պետրոսյանից չնչին գումարներով գնելու «Արարատ Հայաթում» ունեցած նրա մասնաբաժինը, սակայն այդ փորձերը ապարդյուն էին անցել։

Աննա  Ավագյան