Հանդիպումը անցավ փոխըմբռնման մթնոլորտում

Այսօր  կայացավ ՀՀ֊ում Ռուսաստանի դեսպան Սերգեյ Կոպիրկինի հանդիպումը ՍԻՄ նախագահ, «Ուժեղ Հայաստան Ռուսաստանի հետ. հանուն նոր Միության» շարժման կազմկոմիտեի անդամ Հայկ Բաբուխանյանի և «Այլայնս» կուսակցության նախագահ Տիգրան Ուրիխանյանի հետ:

Հայկ Բաբուխանյանը  շնորհակալություն հայտնեց Ռուսաստանին պատերազմը դադարեցնելու և այս փուլում Արցախի եւ Հայաստանի սահմանները ռուս խաղաղապահներով ու սահմանապահներով պահպանելու համար:

ՍԻՄ նախագահը ներկայացրեց  նախաձեռնվող Շարժման գաղափարախոսությունը, մասնավորապես, որ Հայաստանի պետականությունը, տարածքային ամբողջակաությունը  և ազգային արժեհամակարգը պահպանելու համար Շարժումը տեսնում է մեկ հնարավորություն՝ Միութենական պետություն ՌԴ հետ:

Հայկ Բաբուխանյանը նշեց նաեւ, որ շարժումը վերկուսակցական եւ ապաքաղաքական է, դա վերոհիշյալ գաղափարը ընդունող անհատների միավորում է առանց հաշվի առնելու կուսակցական պատկանելիությունը: Նա  հանձնեց Ս.Կոպիրկինին շարժման հիմնադրման համաժողովի մասնակցության հրավեր:

Իր խոսքում Տիգրան Ուրիխանյանը ներկայացրեց «Ալյանս» կուսակցության գործունեությունը, նշելով, որ կուսակցությունը կիսում է շարժման գաղափարախոսությունը, սակայն հանդիսանում է քաղաքական միավոր եւ զբաղված է կուսակցական շինարարությամբ: 

Իր խոսքում դեսպանը նշեց, որ ողջունում է Հայաստանի եւ Ռուսաստանի բարեկամության եւ համագործակցության խորացմանն ուղղված նախաձեռնությունները, տեսնելով կարեւորությունը որակապես նոր աստիճանի վրա հայ֊ ռուսական հարաբերությունները բարձրացնելու ուղղված ջանքերի: Նա ողջունեց հայ֊ ռուսական համագործակցության խորացման վերաբերյալ հնչած գաղափարները: 

Հանդիպման ընթացքում տեղի ունեցավ կարծիքների փոխանակում մի շարք հարցերի վերաբերյալ։ Հանդիպումը  անցավ փոխըմբռնման մթնոլորտում: