«Հանձնարարվել է պայքարել մարդկանց, ովքեր իրենք են կաշառակեր».Սոս Գիմիշյան

Ազգի գանգը չի չորացել, առաջնորդները  միշտ ծնվում են այն պահին, երբ անհրաժեշտ է

«Քրիստոնեա-ժողովրդական վերածնունդ» կուսակցության նախագահ Սոս Գիմիշյանը չի հավատում, որ Հայաստանում կարող է դրական տեղաշարժ լինել:
Նա Fnews.am-ի հետ զրույցում մատնանշում է Ընտրական Օրենսգիրքն ու Հարկային օրենսգիրքը, որոնք Գիմիշյանի խոսքով` ոչ թե մեր  իշխանությունների կողմից մշակված փաստաթղթեր են, այլ Արևելքի պարտադրանք: Ու դրանց նպատակն էլ մեկն է` աղքատացնել ժողովրդին:
«Սա մի ծրագիր է, մի մոտեցում, որը դրսից է պարտադրվում, էս ամբողջը մի կոնտեսքի մեջ է … դրա համար էլ ո'չ ընտրական օրենսգիրքը, ո'չ էլ Հարկային օրենսգիրքը ոչինիչ չեն փոխի»,-ասում է Սոս Գիմիշյանը:

Նա նկատում է նաև, որ ոչինչ չի փոխի նաև կոռուպցիայի դեմ պայքարը,  որի արդյունքները դեռ տեսանելի չեն:

«Երբ կառավարությունն ինքն է գողը,  ո՞նց պետք է պայքարի… կաշառակերության դեմ: Հանձնարարվել է պայքարել մարդկանց, ովքեր իրենք են կաշառակեր…»,- ասում է Գիմիշյանն ու բերում Սինգապուրի օրնակը, երբ նորնանշանակ վարչապետը, կոռուպցիայի դեմ պայքար հայտարարելով, առաջինն իր ընկերներին ու իր եղբորը ձերբակալեց:
«Սա ես չեմ ասել, սա 3000 տարի առաջ չինացիներն են ասել, եթե ուզում եք կաշառակերություն չլինի, պետք է երկրի կայսրը ազնիվ լինի…»,-մեջբերում է Գիմիշյանը:
Նրա համոզմամբ` երկիրն օտարումից ու գահավիժումից փրկելու համար ամենամեծ ուժը ժողովուրդն է, սակայն այդ ուժն այսօր մասնատվել և արտագաղթում է:
«Շատ արագ է արտագաղթում ու մաշվում է  ժողովուրդը ու, եթե շուտափույթ լուծում չգտնվի, ապա Հայստանում մարդ չի մնա… երկրի թե ենթակառույցները, թե ընդերքը օտարներինն է, ու նրանք են, ովքեր ձգտում են մարդ չթողնել Հայստանում :

էդպիսի վիճակ են ստեղծում, որ հայաստանցիները գնան, իսկ մնացողները դառնան մի հավաքածու, որոնց հեշտ լինի կառավարել ու երկիրը կողոպտել: Բայց ազգի գանգը չի չորացել … աջնոդնողները միշտ ծնվում են այն պահին, երբ անհրաժեշտ է»,-եզրափակեց Գիմիշյանը: