Հասարակական, հումանիտար գիտությունների նոր որակն այսօր չափազանց հրատապ խնդիր է. Առավոտ

«Հայաստանի անկախության 23 տարում շատ բան փոխվել է դեպի լավը, և ինչ-որ բաներ, իհարկե, դեպի վատը: Լավի ու վատի փոխհարաբերության հարցում, ինչպես և բազմաթիվ այլ հարցերում, իմ և հայ ժողովրդի կարծիքները չեն համընկնում: Օրինակ՝ ինձ շատ է ուրախացնում տեղեկատվական տեխնոլոգիաների ոլորտի զարգացումը. մենք ունենք բազմաթիվ հրաշալի հիմնարկներ, հաճախ՝ արտասահմանյան կապիտալով, որտեղ աշխատում են օրինակելի երիտասարդներ:

Ցավոք, նույնը չեմ կարող ասել հասարակական, հումանիտար գիտությունների մասին, որոնք «սովետի» շրջանից դեռ ոչ մի քայլ առաջ չեն գնացել:

Հասարակական, հումանիտար գիտությունների նոր որակը, իմ կարծիքով, այսօր չափազանց հրատապ խնդիր է, որովհետև մենք իրականում չգիտենք, թե որտեղ ենք գտնվում և ուր պիտի գնանք: Ես չեմ լսել ու չեմ կարդացել Հայաստանում ստեղծված իրավիճակի մասին սառը, գիտական վերլուծություն:

Էմոցիոնալ բացականչություններն այն մասին, որչ երկիրը կործանվում է, հավանաբար մոտ են մեր ժողովրդի մեծ մասի աշխարհընկալմանը: Իրականում, գուցե ակամա, էստախոլոգիական պնդումների հեղինակները հագուրդ են տալիս այն տրամադրություններին, որ պետք է ամեն ինչ քանդել ու սկսել զրոյից՝ գուցե շատերի համար այդ «զրոն» 1991 թվականն է»,- գրում է թերթի խմբագիրը:

Մանրամասները՝ թերթի այսօրվա համարում: