Հաղթանակի հավատքով եմ եկել հայրենիք՝ մասնակցելու այս մրջազգային մրցաշարին

Այսօր, տեղեկացրել էինք այն մասին, որ Հովիկ Հայրապետյանի անվան Ձիասպորտի կենտրոնում, հոկտեմբերի 18-ին ավարտվեց   օրեր առաջ մեկնարկած Հայաստանի Ձիասպորտի ազգային մրցույթի՝ «Մուլտի Գրուպ» գավաթի, մեծ մրցանակի եռօրյա մրցաշարը: Մրցաշարին մասնակցում էին երեք երկրների` Հայաստանի, Ռուսաստանի եւ Վրաստանի մարզիկները:Նշել էին նաեւ այն մասին, որ  վերը նշված մրցաշարը նախաձեռնել եւ իրականացրել է «Հովիկ Հայրապետյանի անվան Ձիասպորտի ֆեդերացիան»՝ ՀՀ օլիմիպիական կոմիտեի նախագահ Գ․ Ծառուկյանի հովանավորությամբ։ Մրցաշարը ընթացել է երեք օր, որի ընթացքում խաղարկվել է «Մուլտի Գրուպ» գավաթը։

Պայքարը հատակապես թեժ էր եզրափակիչ փուլում, որտեղ յուրաքանչյուրը փայլել էր  իր նժույգով: Բայց ի վերջո մեծ՝ «Գրան Պրի» մրցանակին արժանացել էր  հայազգի մարզիկ, ՌԴ-ն ներկայացնող Արկադի Եսայանը (իր վեց հարյուր հազար եվրո արժողությամբ «Գուչչի Պրիմիեր» արքայական նժույգով։

Newsmedia.am-ին հաջողվեց  բացառիկ զրույց ունենալ Գրան Պրի մրցանակի արժանացած, հայազգի մարզիկ Արկադի Եսայանի հետ, որն էլ ներկայացնում ենք ստորեւ.

-Պարոն Եսայան, որն՞ էր այսօր Ձեր հաջողության գրավականը։

-Աստված իմ կողմից էր պարզապես, իսկ առհասարակ աշխատասիրությունը եւ հաղթանակի հասնելու մեծ ձգտումը։

-Ի՞նչ արժե Ձեր հաջողության գրավական եւ անբաժան մասնիկ դարձած Գուչչի Պրիմյերը, որը փայլեց իր ողջ հմայքով ողջ մրցաշարի ընթացքում։

-Վեց հարյուր հազար Եվրո։

-Հավատո՞ւմ էիք հաղթանակին։

-Հաղթանակի հավատքով եմ եկել հայրենիք՝ մասնակցելու այս միջազգային մրցաշարին։

-Պարոն Եսայան, ի՞նչ ունակություններ են անհրաժեշտ ձիասպորտի հմտություններին տիրապետելու համար։

-Պետք է նախ եւ առաջ սիրել ձիուն. խնամել նրան, հոգ տանել... մի խոսքով փայփայել։ Ձիասպորտը՝հզոր սպորտաձեւ է, եւ լրջագույն արվեստ, եւ դրանով  կարող է զբաղվել տաս տարին լրացած ցանկացած երեխա:

ՆՈՆՆԱ ԱԶԱՐՅԱՆ 

NewsMedia.am 

Լուրեր  Հայաստանից եւ Աշխարհից