Հայ մոդելներ, ովքեր նախընտրել են ընտանիքը PHOTO

Հայաստանում մոդելային բիզնեսը գնալով աճում է: Շատ աղջիկներ այսօր ուզում են փայլել ոչ միայն հայկական, այլև համաշարհային պոդիումներում: Շատերը բազմաթիվ զոհողությունների են գնում հաջողության հասնելու համար, ոմանց բախտը բերում է, իսկ մյուսներն էլ մնում են սպասելով:

Նրանցից շատերը հաճախ կանգնում են ընտրության առաջ՝  ընտանիք, թե՞ փառք: Բոլորը չեն, որ համաձայնվում են ընտանեկան հաճելի հոգսերը փոխարինել, օրինակ, թանկարժեք լողազգեստի հետ: Fnews.am-ը ներկայացնում է մոդելների, որոնք ընտրել են ընտանիքը:

<<Միսս Հայաստան 1997>> Անգելինա Բաբաջանյանը մոդելային կարիերային հրաժեշտ տվեց, երբ ամուսնացավ գործարար Կարեն Մարտիրոսյանի հետ: Նրանք ծանոթացել են ընդհանուր ընկերների միջոցով:

Նախկին մանեքենուհին այսօր դաստիարակում է իր երկու դուստրերին և որդուն: Զույգը աղջիկների համար ընտրել է ժամանակակից անուններ՝ Նատալի և Վիկտորյա, իսկ տղային՝ Լյուդվիգ կամ Վիգ է անվանել, ինչպես ծնողներն են սիրում ասել: Հարցազրույցներից մեկում Անգելինան  նշել է, որ իր համար ընտանիքը միշտ էլ եղել է առաջնայինը:

Մոդելին վերջերս տեսանք դիզայներ Վահան Խաչատրյանի ցուցադրություններից մեկի ժամանակ:

Կար ժամանակ, երբ մենք բաց չէինք թողնում ոչ մի գեղեցկության մրցույթ, մանավանդ, երբ մասնակցում էր մեր հայրենակիցը:  Այս գեղեցկուհու մասնակցությամբ մրցույթները հատկապաես ավելի ուշադրությամբ էինք նայում:  «Միսս հայաստան 1998», «Միսս ԱՊՀ 1999», «Միսիս Գլոբ 2009-2010» մրցույթների հաղթող Գոհար Հարությունյանը, չնայած այսօր այլևս չի զբաղվում մոդելային կարիերայով, բայց միշտ լրատվամիջոցների ուշադրության կենտրոնում է:

Նախկին մոդելն  այսօր դաստիարակում է իր երեք երեխաներին և ինչպես ինքն  է ասում. «Ես պլանավորել եմ նաև չորրորդն ու հինգերորդը, իսկ ամուսինս դրանով էլ չի ցանկանում սահմանափակվել (ծիծաղում է), բայց քանի որ ես տասնինը տարեկանում չեմ ամուսնացել, այլ բավական ուշ, կարծում եմ, կսահմանափակվենք հինգ երեխայով»:

Մեր հաջորդ մայրացած գեղեցկուհի մոդելը Իրինա Թովմասյանն է, ով արդեն երկու դուստր ունի:  Առաջնեկը՝ Մեգին, այսօր մասնակցում է մանկական գեղեցկության մրցույթների, նաև նկարահանվել է սերիալում: Իրինան մասնագիտությամբ մոդել չէ, ունի երկու մասնագիտություն՝ անգլերենի թարգմանիչ և շուկայագետ: Կար ժամանակ, երբ գեղեցկուհին Հանրային հեռուստատեսությամբ վարում էր «Հեքիաթն է կանչում» մանկական հաղորդումը:

Իր հարցազրույցներից մեկի ժամանակ Իրինան նշել էր, որ մի զավակով չի պատրաստվում բավարարվել և այս տարի լույս աշխարհ եկավ գեղեցկուհու  երկրորդ դուստրը՝ Ալվինան: Աղջկան անվանակոչել են Իրինայի ամուսնու՝ Դավիթ Ադամյանի մայրիկի անունով:

Լուսինե Թովմասյանը ևս ընտրել է ընտանիքն ու ընտանեկան ջերմությունը: