Հայաստան-Ուկրաինա հարաբերությունները հիմա ավելի ջերմ են, քան 6 ամիս կամ մեկ տարի առաջ

«Առաջին լրատվական»-ի զրուցակիցն է Ուկրաինայում ՀՀ դեսպան Անդրանիկ Մանուկյանը:

– Օրերս մեր թերթը, հղում անելով Ուկրաինայում իր աղբյուրներին, հայտնել էր, որ Դուք հուլիսի 13-ին հանդիպել եք Ուկրաինայի ԱԳ նախարարի առաջին տեղակալ Նատալյա Գալիբարենկոյի հետ, որի ընթացքում փոխարտգործնախարարը իր մտահոգությունն է հայտնել Ձեր կողմից քրեական հեղինակություններին տրամադրված կեղծ դիվանագիտական համարանիշերի առնչությամբ, ովքեր այդ համարներն օգտագործելով և օգտվելով դիվանագիտական անձեռնմխելիությունից՝ տարբեր հանցագործություններ են կատարել: Ի՞նչ կասեք այս առնչությամբ:

– Այդ տեղեկությունը չի համապատասխանում իրականությանը: Ճիշտն ասած, նման տեղեկություն տարածելուց առաջ պետք է տեղյակ լինեիք դեսպանատան կամ դեսպանի լիազորություններին. դիվանագիտական համարանիշեր տրամադրում է Ուկրաինայի ճանապարհային ոստիկանության համապատասխան կառույցը Ուկրաինայի ԱԳՆ հանձնարարականի հիման վրա: Երբ դեսպանատունը ավտոմեքենա է ձեռք բերում, դիմում է ԱԳՆ արարողակարգի վարչություն, և նրանք համապատասխան հանձնարարական են իջեցնում ճանապարհային ոստիկանությանը, և ոստիկանությունը տրամադրում է այդ համարանիշերը: Ձեր հրապարակման մեջ նշված է, որ ես կեղծ դիվանագիտական համարանիշեր եմ տրամադրել քրեական հիղինակություններին, որոնց գործադրմամբ հանցագործություններ են կատարվել. այդ դեպքում ինչպես է, որ Ուկրաինայի իրավապահ մարմինները այդ 5 տարվա ընթացքում չեն արձանագրել ոչ մի հանցագործություն Հայաստանի դեսպանատան համարանիշերի կիրառմամբ, իսկ հայկական մամուլը միանգամից բացահայտեց:

Ինձ ցավ է պատճառում այդ հրապարակումը, քանի որ իմ դեմ հիմնականում գրում են ադրբեջանական կայքերը, որոնք չէին կարող հանդուրժել, որ հայ համայնքն ու դեսպանատունը կարողացան ապրիլի 24-ի հետ կապված այնպիսի միջոցառումներ կազմակերպել, որ ուկրաինացի ժողովուրդը իր վիշտը, իր խնդիրները մոռացած՝ կիսում էր մեր վիշտը: Ադրբեջանն ու Թուրքիան իրենց լրատվամիջոցների միջոցով վարկաբեկման արշավ էին սկսել իմ և դեսպանատան դեմ՝ գրելով, որ Ուկրաինայի իշխանությունները ի զորու չեն դիմակայել Հայաստանի դեսպանին: Հիմա, երբ իմ մասին նման բան է գրում հայկական մամուլը, արդյոք մեր հակառակորդները չե՞ն ասի, թե տեսեք՝ մենք ճիշտ էինք, որ Հայաստանի դեսպանը հանցագործ է, կապված է կրիմինալի հետ:

Այսքանից հետո ի՞նչ անեմ ես՝ որպես դեսպան, ինչպե՞ս կարողանամ բացատրել, որ դա ապատեղեկատվության արդյունք է: Դրա համար ես դիմում եմ Հայաստանի իրավապահ մարմիններին, որպեսզի այդ հրապարակումը ընդունեն որպես հաղորդում հանցագործության մասին և հետաքննություն սկսեն, որովհետև եթե այդ լուրը թեկուզ ինչ-որ չափով մոտ է իրականությանը, և ես կեղծ դիվանագիտական համարանիշեր եմ տրամադրել, ուրեմն ես հանցագործություն եմ կատարել: Եվ թող իրավապահները որոշեն, թե ով է ճիշտ՝ ե՞ս, թե՞ այդ լուրերը հրապարակած հայկական մամուլը: Ուզում եմ ավելացնել միայն, որ Ուկրաինայում մեր դեսպանատանը ամրացված է ընդամենը 12 համարանիշ:

– Հայաստանի և Ուկրաինայի հարաբերությունները միջնորդավորված են և կապված են Ռուսաստան-Ուկրաինա հարաբերությունների հետ: Արդյոք Դուք Ձեր գործունեության վրա զգո՞ւմ ենք ռուսական ազդեցությունը, և ինչո՞վ է այն արտահայտվում:

Շարունակությունը ` սկզբնաղբյուրում: