Հայաստանի հանրությանն այլևս հնավոր չէ կերակրել ռուսական պաշտպանության մասին հեքիաթներով

«Ազատ Դեմոկրատներ» կուսակցության փոխնախագահ Անուշ Սեդրակյանի հետ Fnews.am-ը   զրուցել է ասաց ՀՀ ԱԺ-ում ՀՕՊ համաձայնագրի վավերացման, եւ արտաքին քաղաքական հնարավոր զարգացումների շուրջ: 

-Տիկի’ն Սեդրակյան, ՀՕՊ համաձայնագրին ընդամենը 8 պատգամավոր դեմ քվեարկեց, 102 կողմ ձայնով այն ԱԺ-ում վավերացվեց: ՀՕՊ կողմնակիցները հիմնավորում էին, միասնական հակաօդային պաշտպանության համակարգի ներդրմամբ Հայաստանի երկինքն ավելի պաշտպանված կլինի: Ոմանք ավելի կտրուկ հիմնավորումներ բերեցին, թե հայկական կողմը երբ ուզի, կարող է օգտագործել ռուսական ռազմաբազայի զինտեխնիկան, այդ թվում՝ կործանիչ ավիացիան: Դա հնարավոր համարո՞ւմ եք:

-Մենք նմանաիպ հիմնավորումներ բազմիցս լսել ենք: Ուզում եմ հիշեցնել առաջին հիմանվորումը. ՀԱՊԿ-ը (Հավաքական անվտանգության պայմանագրի կազմակերպությունը) պետք է մեզ օգներ, որ մեր սահմամնները լինեն անխախտ և չլինեն ռազմական կոնֆլիկտներ, բայց ինչպես տեսանք այդ տխրահրչակ ՀԱՊԿ-ը, որևէ ձևով դրան չնպաստեց, ճիշտ հակառակը` ապրիլյան դեպքերի ընացքում Ռուսասատանի հետախուզությունը ինֆորմացիա է տրամադրել Հայաստանին: Դրանից բացի, խոստումներ ունեցել ենք Եվրամիությունից` տնտեսական բարգավաճման ու Հայաստանի հնարավոր օգուտների մասին, որը նույնպես ստահոդ դուրս եկավ: Ու դրա համար Եվրամիությունը գովազդողները պատասխան չտվեցին:

Հայաստանում չկա քաղաքական պատասխանատվության մեխանիզմ: Հայաստանում չկա սուտ և ճշմարիտ քաղաքական հայտարարության տարբերակում: Եվ հիմա այդ բոլոր չիրականացած, բացահայտորեն կեղծված կամ ուղղակի ապակողմնորոշող լուրերի ֆոնին, մենք ունենում ենք հայտարարություն առ այն, որ ՀՕՊ-ը պաշտպանելու է Հայաստանի անվտամնգությունը… մենք իրավունք ունենք ոչ միայն չհավատալ դրան, այլ պնդել, որ լինելու է ճիշտ հակառակը, ինչպես նման բոլոր հայտարարությունների դեպքերում:

-Ինչո՞ւ է Ռուսաստանը որոշում հակաօդային պաշտպանության համակարգ ստեղծել Հայաստանի հետ: Ռուսաստանի ինչի՞ն է դա պետք:

-Ռուսասատանը տեսնում է, որ Հայաստանն արդեն տրամաբանորեն թե’ տնտեսապես, թե’ հանրային տրամադրությունների ալիքի ներքո, դուրս է գալիս ռուսական ազդեցության գոտուց: Հայաստանի հանրությանն այլևս հնավոր չէ կերակրել ռուսական պաշտպանության մասին հեքիաթներով: Ու քանի որ տնտեսական ամրագրումը Ռուսասատնին չի տալիս լծակների այն ամբողջական փաթեթը, որը նա կուզեր ունենալ, որովհետև Հայաստանում տնտեսություն չկա և տնտեսական ներկայությունը Ռուսասատանին բավարար չէ, ուստի ՌԴ ուզում է վերցնել Հայաստանի վերջին հատվածը…ակնկալում էի, որ դա կլիներ Սևանի քաղցրահամ ջրերի ջրավազանի ջրի շորթումը, բայց արի ու տես, որ նա սկսեց օդից: Հերթը կհասնի նաև Սևանին, որովհետ Ռուսասատանն ուզում է Հայաստանը բռնակցել բոլոր հնարավոր ձևերով` չթողնելով ուղի, որ նա դուրս գա Եվրամիությունից: Ուշադրություն դարձրեք. որ պահին Անգլիան ցանկացավ դուրս գալ Եվրամիությունից` նա դուրս եկավ. կարո՞ղ է արդյոք Հայաստանը դուրս գալ հիմա…