ՀԱՅՈՑ ՀԱՅՐԵՆԻՔ ԿՈՒՍԱԿՑՈՒԹՅԱՆ ՀԱՅՏԱՐԱՐՈՒԹՅՈՒՆԸ <<ՄԵՐ ԹՇՆԱՄԻՆ ԹՈՒՐՔՆ Է>>

Երեկ համացանցում լուրեր տարածվեցին, որ 2020թ-ի նոյեմբերի 9-ին ազգադավ իշխանության տված՝ Մեղրիով ադրբեջանին միջանց տալու, արդյունքում Սյունիքը թուրքին հանձնելու խոստումը, ՀՀ ում իշխանությունը յուրացրած Նիկոլ Փաշինյանը և իր թիմը արդեն իրականացրել են։

Այս տեղեկատվությունը իշխանությունը յուրացրածների կողմից դեռևս չի հերքվել։

Արձագանքել են միայն ՀՀ ում իշխանությանը սատարող պրոթուրքական ֆեյքերը, շրջանառության մեջ դնելով այն կանխավարկածը, որ ՀՀ-ն կիսելու ծրագիրը շատ լավն է, որ թուրքերը նմանատիպ միջանցք էլ կարող է մեզ տան և դա կխթանի առևտուրը։

Այլ կերպ ասած ոչ թե հերքել, այլ հաստատել են այս լուրը։

Առանց հանրաքվեի Մեղրիով թուրքերին միջանց տալու հակասահմանադրությանը, ՀՀ տարածքային ամբողջականության խախտման այս գործընթացին, անտեսելով մեր կուսակցության առաջնորդներից մեկի՝ Վարդան Ղուկասյանի բոլոր հրապարակային հորդորները, չեն արձագանքել իրենց իբր հիմնական ընդիմադիր համարող Ռ․Քոչարյանը, ՀՅԴ-ն, Սյունիքի կուսակցությունը, Ս․Սարգսյանը և Ա․ Վանեցյանը, ԲՀԿ-ն, ԼՀԿ-ն և դրանով իսկ արձանագրել են իրենց և Ն․Փաշինյանի Մեղրին թուրքերին հանձնելու պլանի հետ կապված գաղափարական և տնտեսական ընդհանրությունը և միակարծիքությունը։

Վարդան Ղուկասյանի գիշերային կոչից հետո, Մեղրին թուրքերին հանձնելու պրոցեսին կտրուկ դեմ է արտահայտվել և միասնության կոչ է արել Ալյանս կուսակցության առաջնորդ Տիգրան Ուրիխանյանը։

Ըստ այդմ հարկ է արձանագրել, որ ՀՀ արտահերթ խորհրդարանական ընտրություններում հիմնական խաղացող կուսակցությունները, նրանց առաջնորդները համակարծիք են իշխանությունը յուրացրած անձի թուրքերին Մեղրիով միջանցք տալու, արդյունքում Սյունիքը թուրքերին հանձնելու ծրագրին և ոչ միայն չեն խոչընդոտելու դրան, ավելին կեղծ ընդիմություն ձևացնելով ապահովելու են ակընհայտ պրոթուրքական Նիկոլ Փաշինյանի վերարտադրությունը և հակահայկական ծրագրի իրականացմանը։

Ելնելով վերը շարադրվածից Հայոց Հայրենիք կուսակցությունը հայտարարում է

1․ <<Մեր թշնամին թուրքն է>> նախընտրական կարգախոսի մասին։

2․ ՀՀ տարածքներից և ոչ մի մետր չի զիճվելու և ոչ մի երորդ պետության, իսկ ադրբեջանի և թուրքիայի ղեկավարները պետք է հասկանան, որ նախկին և ներկա իշխանավորները դեռևս ամբողջովին չեն վերացրել Հայի գենը, դեռևս կան հայեր, որ կառաջնորդվեն <<չկա Հայաստան, չի լինի և ադրբեջան և թուրքիա կարգախոսով>>, հաշվի առնելով այն հանգամանքը որ մեր երկիրը ունի համապատասխան ռեսուրս դա իրագործելու համար։

3․ Հիշեցնեմ Նիկոլին և նրան սատարող կեղծ ընդիմադիրներին, որ Հայոց Հայրենիք կուսակցության զինանշանի վրա պատկերված է Փյունիկը, որ վառվելուց հետո վերածնվում է և եթե նրանք չհրաժարվեն Հայրենիքը վաճառելու իրենց ծրագրից, ապա կրկնում եմ, կվառվեն բոլորը և կրկին կհառնի վերածնվող Փյունիկը, Տիգրան Մեծի աստղի զորությամբ և առանց ներկա ու նախկին իշխանությունների, նրանց տերերի թուրքերի, ազատ ու Հայերով բնակեցված Հայաստանում։

Այժմ կոչով դիմում եմ իրենց Հայ համարող բոլոր քաղաքացիներին, առանց կուսակցական պատկանելիության։ Մի կողմ դրեք տարաձայնությունները, դուրս եկեք Ներկա և Նախկին իշխանությունների արհեստածին օղակից, փրկեք Մայր Հայաստանը։

Ովքեր դեմ են Մեղրին թուրքերին տալու ծրագրին այցելեք մեր գրասենյակ ք․Երևան Գայի պողոտա 2 շենք, 136 տարածք << Հայոց Հայրենիք >> կուսակցության գրասենյակ, Մեղրին փրկելու հետ կապված հետագա անելիքներին մասնակցելու համար։

Արտակ Գալստյան

Վարդան Ղուկասյան

Հայոց Հայրենիք կուսակցություն