Հայտնի հեղինակություն Արթուր Ղազարյանի քույրը՝ պատգամավոր դառնալու մտադրություններ չունի

Մի քանի օր է, ինչ որոշ հարթակներից ու տրիբունաներից տարբեր խոսակցություններ են ներդրվում այն մասին, որ իբրեւ առաջիկա խորհրդարանական ընտրություններին ՔՊ-ի ցուցակով խորհրդարան է անցնելու է հայտնի հեղինակություն Արթուր Ղազարյանի՝ Քանաքեռցի Տույի քույրը: 
Նկատենք, որ այդ խոսակցություններին զուգահեռ, լուրեր են պտտվում նաեւ այն մասին, որ Արթուր Ղազարյանը մասնակցություն է ունենում նաեւ կադրեր նշանակելու, եւ շատերի համար ճանապարհ հարթելու գործի մեջ, ինչն ըստ Ղազարյանի մտերիմների, իրականության հետ ոչ մի աղերս չունի, եւ չի էլ կարող ունենալ: 

Ավելին, Ղազարյանին մոտ կանգնած մարդկանցից շատերը մեզ հետ զրույցում հավաստիացրեցին, որ այն ինչ այս օրերին գրում են, խոսում են, (գրել են տալիս ) բացարձակ կեղծ տեղեկատվություն է. սուտ է, քանի որ Արթուր Ղազարյանի քույրը պատգամավոր դառնալու ցանկություն, եւ մտադրություն չունի:

Եւ ինչպես նշեց մեր զրուցակիցը. «Ուղղակի ծիծաղելի է, որ իրենք հորինում, իրենք գրել են տալիս: Մենք շատ լավ գիտենք. որտեղից, ովքեր եւ ինչպես են ուղղորդում ու դաշտ գցում այդ տեղեկությունները: Շատ լավ հասկանում ենք այդ շրջանակների տագնապները, որոնց համար երեւի ֆբ էջերով հանդես գալը՝ ապրելակերպ է դարձել »:

Հարցին, թե իրականում հայտնի հեղինակությունն ու նրա շրջապատը ինչ հարաբերություններ ունեն ներկայիս իշխանությունների ու ՀՀ իշխանավորների հետ, զրուցակիցս հակադարձեց, որ .«Մենք բոլորս, այդ թվում նաեւ Արթուր Ղազարյանը ՀՀ քաղաքացիներ ենք, ու բնականաբար որտեղ մեր ժողովուրդն է, այնտեղ էլ պարտավոր ենք մենք լինել: Իսկ այսօր վերջապես ունենք ժողովրդի իշխանություն, եւ ունենք այնպիսի իշխանավորներ, ում ժողովուրդը հարգում եւ վստահում է: Մենք էլ այս ժողովրդի մի մասնիկն ենք, ու ինչ խոսք. ամեն մեկս մեր տեղում որպես մարդ պարտավոր ենք լինել մեր ժողովրդի եւ ժողովրդի իշխանության կողքին»:

Հ.Գ Ծիծաղելի է, երբ տեղեկատվական դաշտում ԶԼՄ-ի անվան տակ բուսնած որոշ  ֆեյքեր, (ովքեր լրատվության  հետ այնքան կապ կարող են ունենալ "որքան խոզը տուռնիկից")  "հանգրվանելով"    կրիմինալների ու անհասկանալի ծագումնաբանությամբ ինչ-ինչ քաղաքական խմբակների գրկում, իրենց հանցավոր  սատարիչներին ու  ինֆորմացիոն առվակներին    մոռանալով,  փորձում են քամիներ անել այն մարդկանց շրջանակում, ովքեր իսկապես վայելում են ժողովրդի սերն ու հարգանքը: 
Մնացածի մասին՝ կխոսենք հաջորդիվ: