ՀԷՑ-ը վնասներ է կրում սակագնային կարգավորման թերացումների պատճառով

Միայն 2014 թվականին «Հայաստանի էլեկտարական ցանցեր» ՓԲԸ-ի կորուստները սակագնային կարգավորման համակարգային թերացումների պատճառով ավելացել է 8 տոկոսով և կազմել 10,7 միլիարդ դրամ: Այս մասին ՏԱՍՍ գործակալությանը հայտնել է «Ինտեր ՌԱՕ»-ի ղեկավար խորհրդի անդամ, ռազմավարության եւ ներդրումների բլոկի ղեկավար Իլնար Միրսիյապովը։

«Ներկա սակագնային կարգավորումը չի երաշխավորում ՀԷՑ-ի եկամուտները և հանգեցնում է քրոնիկ վնասների»,-ասել է նա, հավելելով, որ ՀԷՑ-ի սակագնային շահույթը վերջին հնգամյակում նվազել է ավելի քան 2 անգամ՝ 50 տոկոսից հասնելով 23 տոկոս:

«Դա նշանակում է, որ սպառողական սակագների բարձրացումից ստացվող լրացուցիչ եկամուտները ստացել են գեներացնող ընկերությունները, այլ ոչ թե ՀԷՑ-ը: Եվ սակագնի բարձրացման 73 տոկոսը հասնում է հանրապետության այլ էլեկտրաէներգետիկ ձեռնարկություններին»,-նշել է Միրսիյապովը:

Նա նշել է, որ ՀԷՑ-ը վերցնում է իր վրա հիմնական ռիսկերը և անհավասարակշռությունները էլեկտրաէներգետիկ ոլորտում:

«2015 թվականին բացասական տենդենցիան շարունակվում է»,-հայտարարել է Միրսիյապովը: