Հենրիխ Մխիթարյանը շնորհակալություն է հայտնել երկրպագուներին

Գերմանիայի առաջնության 14-րդ տուրի մեկնարկային խաղում մինչ այդ մրցաշարային աղյուսակը եզրափակող Դորտմունդի «Բորուսիան» սեփական հարկի տակ ընդունել էր «Հոֆենհայմին»: Այս մասին տեղեկացնում է Armsport.am-ը:

Յուրգեն Կլոպի թիմը հաղթել է նվազագույն հաշվով՝ վաստակած 14 միավորով բարձրանալով 14-րդ տեղ:

Հայաստանի հավաքականի կիսապաշտպան Հենրիխ Մխիթարյանը տանտերերի մեկնարկային կազմում էր եւ մասնակցել է ամբողջ հանդիպմանը: Խաղից հետո 25-ամյա ֆուտբոլիստը ֆեյսբուքյան իր էջում շնորհակալություն է հայտնել երկրպագուներին:

«Շատ կարեւոր հաղթանակ՝ նվիրված մեր հոյակապ երկրպագուներին: Շնորհակալություն ձեզ հրաշալի աջակցության համար»: