Հերոս Արամ Առուշանյան տեսակին՝ պետք է ճանաչենք բոլորս

Հերոս Արամ Առուշանյանի տեսակը բոլորս պետք է ճանաչենք.Վավերագրական ֆիլմի դիտում նվիրված լեգենդար հրետանավոր Ա. Առուշանյանին

Արշակ Դաբաղյանի անվան Մայր Մանե ՀԿ հիմնադիր-նախագահ՝ Մանուշակ Ստեփանյանին ճանաչողներին մենք չէ, որ պետք է պատմենք նրա հայրենասիրության եւ  անչափ մարդասիրության ու նվիրվածության  մասին: Եւ զամանալի չէ, որ տեւական ժամանակ է, ինչ տիկին  Ստեփանյանը,  շաբաթը մեկ օր՝  բաց դաս է անցկացնում  հանրապետության տարբեր դպրոցներում. պարբերաբար լինում է  Արցախում՝ դիրքերում, գրադարաններում, հասարակակական վայրերերում, ամենուր...նա թողնում է իր ձեռագիրն ու հետքը: 

Իսկ, թե ինչ թեմաներով  են լինում այդ բովանդակաշատ հանդիպումները, ապա  ինչպես Newsmedia.am-իթղթակցի հետ զրույցում նշեց  Ստեփանյանը. <<Թեման որոշում ենք տեղում>>:

Նման բաց դաս անց է կացվել նաեւ այսօր՝ մայրաքաղաք Երեւանում:  Իսկ թե ում էր նվիրված այսօրվա դասը,  տիկին Ստեփանյանը մանրամասնեց տեղի ունեցածը. 

-Այսօր որոշել էինք թիվ 18 գրադարանում՝ դիտել լեգենդար հրամանատար Արամ Առուշանյանի նվիրված վավերագրական ֆիլմը, որի հեղինակը եւ բեմադրիչը Հռփիսիմե Բասենցյանն է: Ով նկարել է նաեւ ֆիլմ՝ նվիրված հերոս Ռորերտ Աբաջանյանին:

Շատ ջերմ, բարեկամական մթնոլորտում անցկացրեցինք ֆիլմի դիտումը, շատ հուզիչ տեսարաններով էր լեցուն: Հերոսի ընտանիքը՝  Արցախից այս շոգին հասել էր Երեւան միայն ֆիլմը դիտելու համար: Հյուրերի շարքում էին  նաեւ հերոս Տիգրան Պողոսյանի մայրը, ում որդին զոհվել է նույն օրը՝ որ օրը որ զոհվել է Արամը...

Նրանք զոհվել են ամենաուժեղ գնդակոծության ժամանակ. ապրիլի 25-ի՝ լույս 26-ի գիշերը, երբ թշնամին օգտագործել է բոլոր զինատեսակները: Հենց այդ օրը մենք ունեցել ենք երկու զոհ. լեգենդար հրետանավոր Արամ Առուշանյանը եւ սպա Տիգրան Պողոսյանը: Եվ հետաքրքիր մի զուգադիպություն կա. Արամ Առուշանյանը ծնվել է 1972թ.-ին, իսկ Տիգրանը 1992թ.-ին, երկուսն էլ զոհվել են նույն օրը՝ երկու ժամվա տարբերությամբ: Հիմա նրանց ընտանիքները շատ ջերմ, բարեկամական հարաբերությունների մեջ են:

Ափոփելով խոսքը տիկին Ստեփանյանը նկատեց.

-Այսօրը մեզ համար իրոք ապրված օր էր, ներկաները իրենց մեջ մեկ անգամ եւս վերանայեցին իրենց կյանքը: Իմ մեջ եւս շատ բան փոխվեց ֆիլմը դիտելուց հետո: Պետք է հերոս Արամը Առուշանյան տեսակին՝  ճանաչենք բոլորս...