ՀՀ Կառավարության գրեֆը`պատգամավորական զամբյուղում

Հայ հասարակությունը դեռ չէր հասցրել մարսել ՀՀ ամենակարող վարչապետ Հովիկ Աբրահամյանի 30 հազար եվրոյանոց հարցազրույցների շարքի մասին լուրը, մեկ էլ հանկարծ, ոչ ավել ոչ պակաս, տեղեկանում է կառավարության հերթական գրեֆի` 20 մլն դրամ դուրս գրելու մասին, որի հասցեատերը, դե էլի ուրիշ մարդ չէ՝ ՀՀԿ-ական տիկնանց տիկին Ռուզաննա Մուրադյանն է: Բանից պարզվում է՝ կառավարության որոշմամբ 2015 թվականի բյուջեով 20 մլն դրամ է տրամադրվելու սույն տիկնոջը պատկանող «Կրթություն առանց սահմանների» ՀԿ-ին, որն, ըստ շրջանառվող  լուրերի, ՀՀ վարչապետ Հովիկ Աբրահամյանին համոզել է ՀՀ-ի միջնակարգ դպրոցներում չինարեն լեզվի ուսումնասիրության դասընթացներ անցկացնել, ու ձեռնարկներ տպագրել, ինչը ՀՀԿ-ական տիկնոջ խորին համոզմամբ, հավանաբար կամրապնդի հայ-չինական բարեկամական կապերը: 

Ու հիմա էլ կառավարությունը խորը քուն է մտել այս եւ այլ հարցերի պատասխանները տալու, եւ կոնկրետ պարզաբանումներ ներկայացնելու համար, քանի որ երեւի պատասխանելու բան էլ չունի:

Դե, Հովիկ Արգամիչը ոչ մի բանից հետ մնալ չի սիրում. միջազգային մամուլով «ֆիրմա» վարչապետ դառնալուց հետո, կարող ա՞ իր նախորդից հետ մնար. էդ Տիգրան Սարգսյանը Զիմբաբվեից բյուջեի հաշվին մարդ կվարձի հայերին ծիրան աճեցնել սովորեցնելու համար, բա Արգամիչը իր մտերիմ պատգամավորուհուն մի 20 միլիոն գրեֆն ինչ ա՞ որ չանի: Այն էլ ստրատեգիական լուրջ նշանակություն ունեցող այնպիսի մի հարցի համար, ինչպիսին է չինարեն լեզվի իմացությունը Հայաստանում: Հիմա Արգամիչը ո՞նց է մտածում չինարեն-մինարենի հետեւից ընկնելով ու միջազգային մամուլով «ռասկռուտկաներ» լինելո՞վ է պետական բյուջեն լցնելու, թե՞ իր կառավարության անփառունակ գործունեության հետեւանքով վերջնականապես «ծակելու» է ՀՀ -ի առանց այն էլ հերձած բյուջեն:

Միգուցե չինարենով դայլայլելու փոխարեն մի քիչ նաիրիտցիների ու կիսասոված պայմաններում ապրող ժողովրդի հոգսը հոգայիք, ու նոր մտածեիք գրեֆների մասին:
Եվ վերջապես, սա, գուցե, առավել լուրջ ծրագիր է, քան մենք կարող ենք պատկերացնել. քանի որ այս տեմպով առաջ շարժվելու դեպքում կառավարությունը չի բացառվում, որ ստիպված լինի չինարենով անցկացնել իր նիստերը, որպեսզի ժովողուրդը ոչինչ չհասկանա ու չտեսնի: Երեւի Արգամիչն արդեն ռուսերենը ծալել մի կողմ ա դրել ու անցել ա չինարենին։ Օրինակ, եթե Ռուզաննա Մուրադյանին խնդրենք՝ նա կարող է մեզ թարգմանաբար ասել, թե չինարենով ինչպես են ասում. կակ վաշա սուպրուգա...

Հ.Գ

Ի դեպ, Ռուզաննա Մուրադյանը, ով քաղաքական դաշտում տեղ գտած լուրերի համաձայն, խորհրդարան է հասել «չերեզ» հոգեւոր շրջանակներ, այժմ էլ պահը չի կորցնում այս ու այն պետական չինովնիկի ու չինովնիկուհու կողքին 3x4-ի վրա լուսանկարների միջոցով անմահանալու ու գոլորշի բաց թողնելու, թե ինքը կրուտոյ տիկին ա...
Ինչպես նաեւ առիթը բաց չի թողնում ջան-ջիգյարություն անելու օրվա գլխավոր հերոսի`ՀՀ վարչապետի հետ, ում պատվին էլ, ասում են, տիկինը ոչ վաղ անցյալում իրականացրել էր ահա այս բեմականացումը.

Հետեւությունները թողնում ենք ընթերցողին. Հիմա արժե՞, թե՞ չարժե սույն տիկնոջը մի 20 մլն գրեֆ անել...

Գայանե  Զարգարյան