«ՀՀ-ի ՄՄ-ին անդամակցելուց հետո ՄՄ-ի անդամ երկրները կճանաչեն ԼՂՀ-ի անկախությունը»

Հաշվի առնելով վերջերս ԱԳՆ նախարար Շավարշ Քոչարյանի խոսքերը, այն է, որ շատ հնարավոր է, մինչեւ փետրվար ամիսը Հայաստանը  դառանա ՄՄ-ի լիրարժեք անդամ, ակամայից հարց է առաջանում արդյո՞ք 2014 թվականի բյուջեն որեւէ կերպ անդրադարձել է Հայաստանի ՄՄ-ին անդամակցելուն:

Այս եւ այլ հարցերի շուրջ forums.am-ը զրուցեց ԱԺ Ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանի հետ.

-2014թվականի բյուջեում հաշվի չի առնվել, թե ինչ փոփոխություններ կարող են լինել Հայաստանի ՄՄ-ի անդամակցելուց հետո, որովհետեւ դա գործընթաց է, որը կարող ավարտվել հաջող կամ անհաջող: Կախված է, թե ինչպիսի համաձայնագրեր կլինեն, ինչ բովանդակության, երբ կգան վերջնական` մեզ համար ընդունելի տեսքի, հետեւաբար դա հնարավոր չէ հաշվի առնել:

-Իսկ, եթե ստացվի այնպես, որ փետրվարին Հայաստանն արդեն ստորագրի ասոցացման համաձայնագիրը, բյուջեում որեւէ փոփոխություններ կլինե՞ն:

-Այդ ժամանակ կառավարություն ԱԺ կմտցնի բյուջեի լրամշակման հետ կապված նոր նախագիծ, որը մենք եւս կընդունենք: Այսինքն եթե դա բերի այնպիսի բաների, որ էապես ավելանան մուտքերը կամ էապես կավելանան  ծախսերը, ապա ինչ խոսք  մենք բյուջեում փոփոխություններ կիրականացնենք:

ՄՄ-ին անդամակցելով, բացի տնտեսության ոլորտի բարելավումից, ՄՄ-ի երեք պետությունները դե ֆակտո կճանաչեն ԼՂՀ-ի անկախությունը, որովհետեւ ՀՀ-ի եւ ԼՂՀ-ի միջեւ մաքսային սահման չի լինելու, հետեւապես ԼՂՀ-ում ապրանքների տեղաշարժը լինելու է ճիշտ այնպիսին, ինչպիսին ողջ ՄՄ-ի անդամ պետությունների մեջ: Դեֆակտո ԼՂՀ-ն կդառանա ՄՄ-ի տարածք եւ սա այն դեպքն է, որի վրա  ՄՄ-ի անդամ երկրները չեն կարող աչք փակել, նրանք  գիտեն այդ հանգամանքը: Եվ ըստ էության նրանք դե ֆակտո կճանաչեն ԼՂՀ-ի անկախությունը: