ՀՀ-ՈՒՄ ՄԱՆԿԱՏՆԵՐԻՑ «ՊՌԱԿԱՏՈՎ» ԵՐԵԽԱՆԵՐ ՎԵՐՑՆԵԼԸ՝ ՕՐԻՆԱՉԱՓՈՒԹՅՈՒՆ.

Երևան քաղաքի մի քանի մանկատներից օրավարձով երեխաներին վերցնելու և նրանց մուրացկանության համար օգտագործելու մասին լուրը անկեղծ ասած ինձ չզարմացրեց, իսկ ինչու պետք է զարմացներ, ո՞ր: Մի երկրում որտեղ արտաքին պարտքը նվազելու փոխարեն օր օրի աճում է, մի երկրում որտեղ ՛՛ քյասիբ հանցագործները պագալովնի նստած են՛՛, իսկ հարուստ հանցագործները ԱԺ-ում օրենքներ են ստեղծում, մի երկրում որտեղ կա 80 տոկոս աղքատություն, բայց հայտարարվում է, որ 30 տոկոս է, մի երկրում որտեղ կարելի է 5000 դրամով ՛՛ժիվոյ՛՛ ձայն գնել ընտրությունների ժամանակ, մի երկրում որտեղ ՀՀ քաղաքացին պաշտպանված չէ օրենքներով, մի երկրում որտեղ կա հսկայական անջրպետ աղքատների և հարուստների միջև, մի երկրում որտեղ քավորը, կամ սանիկը կարող են անգրագետին դարձնել ազդեցիկ պետական այր, մի երկրում որտեղ գիտնականը տոնավաճառում ճարահատյալ գուլպա է վաճառում, իսկ նրա անգրագետ ուսանողը նրա վրա ծիծաղում է, մի երկրում որտեղ գիտնականը տաքսու վարորդից վատ է ապրում, մի երկրում որտեղ հնարավոր է օրը ցերեկով մարդ սպանել, վիրավորել և ազատ ման գալ, մի երկրում որտեղ մինիմալ աշխատավարձը մի քանի անգամ ցածր է իրական մինիմալ զամբյուղից և դա ոչ մեկին չի հետաքրքրում, մի երկրում որտեղ գնաճը չի ոչ մի կերպ չի զսպվում, մի երկրում որտեղ գործադիրը խոստացած տնտեսական աճի փոխարեն միայն անկում է ապահովում, զարմանալ պռակատով երեխա վերցնելու լուրով առնվազն հիմարություն է:
Այս երկրում ամեն ինչ կարելի է գնել, նույնիսկ կարելի է մուրացկանության համար օգտագործելու նպատակով մանկատներից «պռակատով» երեխաներ վերցնել: Այսօր հայտնի է դարձել, որ մանկատներից «պռակատով» երեխաներ վերցնելու մասին մի շարք հայտարարություններից հետո ոստիկանությունը ստուգումներ է սկսել:

Կարեն Թումանյան