ՀՀ-ում վարկերը կրճատվել են. ամենաշատ կրճատումը բաժին է հասել իարտաժույթային վարկերին. ՀԲ

Հայաստանում դրամավարկային քաղաքականությունը մնում է խիստ: Այս մասին ասված է Համաշխարհային բանկի ամենամսյա տնտեսական տեղեկագրում:

Ըստ այդմ, նշվում է, որ մայիսին ՀՀ Կենտրոնական բանկը (ԿԲ) զերծ է մնացել բաց շուկայական միջամտությունից եւ հունիսի 8-26-ը ժամանակահատվածում գնել է 30 միլիոն ԱՄՆ դոլարին համարժեք արտարժույթ: «Սա կօգնի ձեւավորել միջազգային պահուստները եւ մեղել սեզոնային արժեւորումների հետեւանքով փոխարժեքի նկատմամբ ձեւավորվող ճնշումները»,-ասված է տեղեկագրում:

«Արժեթղթերով ապահովված վարկերը 2015թ. ապրիլին 2014թ.-ի դեկտեմբերի վերջի համեմատ նվազել են 3.5 տոկոսով, ընդ որում արտաժույթով տրամադրված վարկերի կրճատումն ամենամեծն է: Առեւտրային բանկերը արտարժութային հավելյալ իրացվելի ակտիվներն ավանդադրել են ՀՀ ԿԲ-ում, ինչը հանգեցրել է համախառն պահուստների ավելացմանը (ամսական կտրվածքով) 102.9 միլիոն ԱՄՆ դոլարի չափով մայիս ամսվա ընթացքում: Սա նաեւ բացահայտեց փոխարժեքի արժեզրկման ակնկալիքները եւ իր դրսեւորումը ստացավ առեւտրային բանկերի կողմից տեղական արժույթով վարկեր տրամադրելու ու տնտեսավարողների կողմից արտարժույթով վարկեր վերցնելու սակավ ցանկության տեսքով:

Վերաֆինանսավորման դրույքաչափը մնում է 10.5 տոկոս, ինչը փոխառված միջոցների բարձր ծախսերի է հանգեցնում»,-նշված է փաստաթղթում: